ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
دۆزینه‌وه‌ى قه‌ڵایه‌ک
نوسینى/ئه‌ندازیار عوسمان
له‌ساڵى ١٨٣٤ ز دا قه‌ڵایه‌ک له نزیک شارى (عدن) دۆزرایه‌وه به‌ناوى ( حصن الغُراب) , که‌لمێکى زۆر دایپۆشیبوو, زۆر شتیان دۆزیه‌وه , له‌وانه پارچه‌یه‌ک مه‌ڕمه‌ڕ بوو که ئه‌مه‌ى له‌سه‌ر هه‌ڵکه‌نرابوو:
ئێمه ڕۆژگارێکى دوورودرێژى خۆشمان له‌م شوێنه‌دا به‌سه‌ربرد , دوور له‌ناڕه‌حه‌تى وناخۆشى وته‌نگانه , ئاوى ده‌ریامان لێنزیک بوو , سوودمان له‌هه‌ڵکشان وداکشانى وه‌رگرتو , ڕووباره‌کانیشمان ئاوى چاکى تیابوو , له‌ناو ئه‌و دارخورما به‌رزانه‌دا , باخه‌وانه‌کانمان دارخورماى تریان له‌قه‌راخ جۆگه‌و شوێنه پێچاوپێچه‌کاندا ده‌ناشت… ئێمه ڕاومان ده‌کردو له‌قوڵایى ده‌ریاش ماسیمان ده‌گرت
..ئێمه به‌نازه‌وه پێمان ده‌نا به‌سه‌ر زه‌ویداو جلوبه‌رگى ئاوریشم وسوندوسمان ده‌پۆشى… پاشاکانمان پیاوانه‌و دوور له‌نه‌فس نزمى فه‌رمانڕه‌واییان ده‌کردین وتوندوتیژ بوون به‌رامبه‌ر خه‌ڵکانى فڕوفێڵاوى وساخته‌چى و, شه‌ریعه‌تێکیان بۆ هه‌ڵبژاردبووین که له ئاینى (هود)ه‌وه وه‌رگیرابوو, ئێمه بڕوامان به‌موعجیزات وزیندوو بوونه‌وه‌و قیامه‌ت هه‌بوو.
ده‌رکه‌وت که‌ئه‌م شاره پاشماوه‌و شوێنه‌وارى گه‌لى عادى دووه‌من , واته نه‌وه‌ى ئه‌وانه‌ى که له‌گه‌ڵ حه‌زره‌تى هود دا ڕزگاریان بوو..
ڕه‌نگه له‌به‌ر ئه‌وه‌ش بێت که قورئان ده‌فه‌رموێت (وَأَنَّهُ أَهْلَكَ عَاداً الْأُولَى، وَثَمُودَ فَمَا أَبْقَى) (لنجم:51) واته: خوا گه‌لى عادى یه‌که‌مى له‌ناو برد , که‌واته که عادى یه‌که‌م هه‌بێ دووه‌میش هه‌یه, ئه‌وه‌ش ئه‌وه‌بوو که دۆزرایه‌وه..