ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
بابه‌ته‌کانى قورئان : ((سوره‌تى الفاتيحة))
نوسینى : عه‌مر خالد
وه‌رگێڕانى : بورهان محمدامین
ئه‌ندازیار عوسمان
ئاماده‌کردنى : چێنه‌ر
قورئان له سێ بڕگه‌ى سه‌ره‌کى پێک دێت :
١- بیروباوه‌ڕ.
٢- په‌رستشه‌کان.
٣- ئه‌وبه‌رنامه‌ى ژیانه‌ى که‌خوا پێى ڕازییه.
بێگومان قورئان له‌سه‌ره‌تاوه ئه‌وه ڕوون ده‌کاته‌وه که ئیماندار پێویسته بیروباوڕى ڕاست و دروست بێت،باوه‌ڕى به‌خواى گه‌وره پته‌و بێت و نوێژ و په‌رستشه‌کان به‌و شێوه‌یه ئه‌نجام بدات که ئه‌و زاته پێى ڕازییه.
سوڕه‌تى ( الفاتيحة ) هه‌رسێ بڕگه‌که‌ى سه‌ره‌وه‌ى له‌خۆگرتووه :
سێ ئایه‌تى یه‌که‌م بیروباوه‌ڕه‌و ئایه‌تى ناوه‌ڕاست ئاماژه‌یه به‌په‌رستشه‌کان و ، ئایه‌ته‌کانى کۆتایی به‌رنامه‌ى ژیان ڕوون ده‌کاته‌وه.
هه‌روه‌ها سوڕتى (الفاتيحة ) بنه‌ماکانى ئاین و مانا گه‌وره‌کانى یادى ئیماندار ده‌خاته‌وه وه‌ک :
١- نازونیعمه‌ته بێ شوماره‌کان کاتێ ئیماندار ده‌ڵێت : ( الحمدلله رب العالمين ) .
٢- دڵسۆزى و لێبڕان و خۆیه‌کلایی کردنه‌وه کاتێ ده‌ڵێت : ( إياك نعبد ... ).
٣- داواى هیدایه‌ت و هاوه‌ڵانى چاک ( إهدناالصراط المستقيم.... ).
٤- داواى خۆپارێزى له‌خراپه‌کاران ( غيرالمغضوب عليهم.... ).
٥- ناوه پیرۆزه‌کان ( الرَحمن الرَحيم ).
٦- ڕاستڕه‌وى و پابه‌ند بوون ( إهدنا الصراط المستقيم ).
٧- باسى ڕۆژى قیامه‌ت ( مالك يوم الدِين ) ، ( إهدنا الصراط المستقيم ).
٨- گرنگى نزاوپاڕانه‌وه.
٩- ئوممه‌تى ئیسلام یه‌ک ئوممه‌ته.. بۆیه ده‌بینى هه‌موو وشه‌کانى داوا و پاڕانه‌وه و گفت و گۆکردن به‌شێوازى ( كؤ ) یه ، ته‌نانه‌ت ئه‌گه‌ر به‌ته‌نهاش که‌سێک له‌ژووره‌که‌ى خۆیدا نوێژ بکات ، نوێژه‌که‌ى دروست نییه ئه‌گه‌ر بڵێت (إياك أعبد و إياك أستعين ) یان ( إهدنى الصراط المستقيم ).. به‌ڵکو ده‌بێت بڵێت ( إهدنا ) و ( إياك نعبد ) ( وإياك نستعين ).. واته به‌شێوه‌ى ( كؤ ) ، تا ئه‌و که‌سه بزانێ و هه‌ست بکات که‌به‌ته‌نها نیه و ئه‌م تاکێکه له ئوممه‌تێکى گه‌وره...