ماڵپەری قورئانی پیرۆز

زیدی کوڕی أسلم ده‌ڵێ: جارێک له‌ گه‌ڵ عمری کوڕی خگاب ده‌رچووین له‌ نێو کۆلآنه‌کانی مه‌دینه‌ ده‌سوڕاینه‌وه‌. ئیمامی عمر له‌ نیوه‌ی شه‌ودا که‌مێ ماندوو بوو. بۆیه‌ پاڵی به‌ دیواری خانووێک دا، گوێی لێ بوو ئافره‌تێک به‌ کچه‌که‌ی ده‌ووت: کچم بڕۆ هه‌ندێ ئاو له‌ ناو ئه‌م شیره‌ بکه‌ به‌ڵکو که‌مێک زیاد ده‌کات

ووتی: دایکه‌ ئایا نازانی که‌وا أمیر المۆمنین ئیمامی عمر چ بڕیاری داوه‌ ئه‌مڕۆ؟ ووتی: چی بڕیار داوه‌؟ ووتی: دایکه‌ به‌ بانگده‌رێکی ووتوه‌ که‌ له‌ نێو شه‌قامو کۆلآنه‌کانی شار بانگه‌واز بکات که‌س ئاو له‌نێو شیر نه‌کات، چونکه‌ فڵتو فێڵو غه‌شه‌.

دایک ووتی: هه‌ڵسه‌ کچم به‌م شه‌وه‌ نه‌ بانگه‌وازکار نه‌ أمیر المۆمنین ئاگای له‌ ئێمه‌ نییه‌. کچه‌که‌ ووتی: دایکه‌ سوێند به‌ خوا من شتێک له‌ پێش چاوی خه‌ڵک نه‌که‌م له‌ به‌ر ئه‌وه‌ی که‌ خراپه‌، به‌ دزیش نایکه‌م که‌ که‌س ئاگای لێ نه‌بێ خۆ خوای أمیر المۆمنین ئاگای لێمانه‌( ). 

ئینجا عمری کوڕی خگاب که‌ ئه‌مه‌ی له‌ کچه‌که‌ بیست، زۆر شه‌یدای بوو بڕیاری دا که‌ ئه‌م کچه‌ ببێ به‌ که‌سێک له‌ خانه‌واده‌ی خۆی. هه‌ڵسا خوازبێنی کرد بۆ (عاصم)ی کوڕی. که‌ عبدالعزیزی باوکی عمری کوڕی عبدالعزیزی لێ په‌یدا بوو، که‌ پێنجه‌مین خوله‌فای ڕاشیدینه‌.