ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ماناى ووشه‌ى پیرۆزى (ﷲ)
نوسینى : عومه‌ر ئه‌حمه‌د نيظامى
سه‌یران سعید : ئاماده‌يكردووه
بنچینه‌ى ئه‌م وشه‌یه(اله) ه (ال) ى خراوه ته سه‌رى و هه‌مزه كه‌ى لابراوه بووه به (ﷲ).( ﷲ) تایبه‌ته به‌ناوى خواى گه‌وره‌وه به‌لاَم (اِله) بۆ بت و هه‌موو په‌رستراوێكى تریش به كارده هێنرێت .
خواى گه‌وره وه‌كو خۆى بىَ هاوه‌ڵ و شه‌ریكه ئه‌م ناوه‌شى هه‌ربۆ خۆیه تى و كه‌سى تر تیایدا هاوبه‌ش نیه.
ناوى (ﷲ) هه‌روه‌ك تایبه‌ته به‌خواوه له‌زمانى عه‌ره‌بیشدا نه‌بووه به (مصدر) وچاوگ بۆهیچ شتێكى تر،واتا
هیچ ووشه‌یه‌كى تر له‌و ووشه ده‌رنه‌هێنراوه، ناوى (ﷲ) ئه‌گه‌ر (هه‌مزه كه)ى لابه‌ریت (لله)ده‌مێنێته‌وه هه‌ر بۆ خوا به‌كارده‌هێنرێت وه‌كو: [لِّلَّهِ ما فِي السَّمَاواتِ وَمَا فِي الأَرْضِ وَإِن تُبْدُواْ مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللّهُ] (البقرة : 284)،
ئه‌گه‌ر لامه‌كه‌ش لابه‌ریت (له) ده‌مێنێته‌وه ، وه‌ك : (له ما في السموات وما في الارض) ده‌بیته (ضمير) ێكى (متصل) هه‌ر بۆ خواى گه‌وره ده‌گه‌ڕێته‌وه.
ئه‌گه‌ر لامى دووه‌میش لابه‌ریت و تۆزیك (ها) ه كه‌ى درێژ بكه‌یت ده‌بێته (هو) واته : (ضمير) ێكى سه‌ربه‌خۆ ده‌بێت و هه‌ر بۆ خوا ده‌گه‌رێته‌وه وه‌ك :
(الله لا اله )
هه‌ر ئه‌وه‌ش مه‌به‌ست بوو لاى هه‌ندێ عریفان و خوا ناسان كه له كاتى زیكر ده‌یان فه‌رموو (یاهو ، یا من هو ، یا من لیس الا هو )......
ئه‌م ناوه پیرۆزه له قورئاندا (2702) جار هاتووه ، (592) جار له حاڵه‌تى (رفع ) دا واتا بۆرى هه‌یه ، (980) جار له حاله‌تى (نصب) دا واتا سه‌رى هه‌یه ،(1125) جار له حاله‌تى (جه‌ر ) دا واتا ژێرى هه‌یه ، (5) جاریش به (اللهم ) هاتووه ، كه سه‌رجه‌میان ده‌كاته (2702) جار .
(ﷲ ) ناوێكى نهێنی یه ،مرۆڤ ده‌توانێت له نێو كۆمه‌ڵیكدا چه‌ند جار بیڵێت و كه‌س هه‌ستى پێ نه‌كات ، چونكه لێو ده‌ورى سه‌ره‌كى نیه له گووتنى .
عاریفان له سه‌ره‌تاى زیكره‌كانیان ده‌یانفه‌رموو: (من قال (الله) وفي قلبه الله ،فمعينه في الدارين(الله) )، واتا هه‌ركه‌س به زمان بڵێت (ﷲ) ،( ﷲ) شى له دڵدا بێت ،یارمه‌تى ده‌رى له هه‌ردوو دونیا (ﷲ) یه .
ناوى (ﷲ) پێویسته له سه‌ره‌تاى هه‌موو كارێكى گرنگه‌وه بوترێت ، وه‌ك پێغه‌مبه‌ر (ێ) ده‌فه‌رموێ (كلّ أمر ذي بال لم يُبدء فيه بالبسملة فهو ابتر).
هه‌ر كارێكى گرنگ به (بسم الله ) ده‌ست پێ نه‌كات بێفه‌ڕو به‌ره‌كه‌ته.
ڕه‌حمه‌تى خوا له كاك ئه‌حمه‌دى موفتى زاده كه له موناجاته‌كانیدا ده‌فه‌رموێ :
له جه‌رگه‌ى جه‌مى یارانى گیانى تۆم نه‌بێ هێشتا خۆم پێ ته‌نیایه
تۆم هه‌بێ ته‌نیا له ئینفیرادى لام جه‌مه هه‌رچى خۆشى دنیایه
سه‌رچاوه
له سایه‌ى ناوه جوانه‌كانى خوادا
عومه‌ر ئه‌حمه‌د نيظامى