ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئاوێته‌ى مه‌نى...... له قورئاندا
نووسینی /سه‌روه‌ر حسن
نووسینگه‌ی ته‌فسیر
ئه‌وشله‌یه‌ى به مه‌نى ناوده‌برێت و سپێرمى تێدایه، ته‌نها له نوتفه‌ى پێکنایه‌ت، به‌ڵکو له تێکه‌ڵێک له شله‌کان پێکدێت، ئه‌و شلانه‌ش فرمانى جیاوازیان هه‌یه بۆنموونه: مه‌نى شه‌کرى پێویستى تێدایه بۆ دابینکردنى وزه بۆ سپێرم، ترشه‌کان له ده‌روازه‌ى منداڵدان بۆ دروستکردنى ژینگه‌یه‌کى خلیسکان که جوڵه‌ى سپێرمه‌کان ئاسان ده‌کات.
جێگاى تێڕامانه ئه‌م زانیارییانه‌ى زانستى نوێ دۆزیونیه‌ته‌وه، قورئانى پیرۆز ئاماژه‌ى پێداون! قورئان تێکه‌ڵه‌ى مه‌نه‌وى به‌مجۆره ده‌ناسێنێت:
{إِنَّا خَلَقْنَا الْإِنْسَانَ مِنْ نُطْفَةٍ أَمْشَاجٍ نَبْتَلِيهِ فَجَعَلْنَاهُ سَمِيعًا بَصِيرًا (2)} [الإنسان]، واته: ئێمه مرۆڤمان دروستکرد له تێکه‌ڵه‌یه‌ک، ئینجا ده‌زگاى بینین و بیستنمان پێبه‌خشى.
هه‌روه‌ها له ئایه‌تێکى تردا ئاماژه به‌وه‌ده‌دات که مه‌نى تێکه‌ڵه‌یه‌که و جه‌خت له‌وه ده‌کاته‌وه که مرۆڤ له پوخته‌کانى ئه‌م تێکه‌ڵه‌یه به‌دیهێنراوه.
{الَّذِي أَحْسَنَ كُلَّ شَيْءٍ خَلَقَهُ وَبَدَأَ خَلْقَ الْإِنْسَانِ مِنْ طِينٍ (7) ثُمَّ جَعَلَ نَسْلَهُ مِنْ سُلَالَةٍ مِنْ مَاءٍ مَهِينٍ (8)} [السجدة ] واته: ئه‌و (خودايه)) زاتێکه هه‌موو شتێکى به چاکى و ڕێکوپێکى دروستکردووه له سه‌ره‌تاوه مرۆڤیشى له خاک دروستکردووه، پاشان زنجیره‌ى نه‌وه‌کانى له ئاوێکى ساده و بێ نرخ به‌دیهێناوه.
وشه‌ى (سلالة) واته چۆڕاوه یان پوخته یاخود باشترین به‌شى شتێک. له هه‌ریه‌ک له ماناکانیدا ئاماژه‌یه به به‌شێک له هه‌موو ئه‌مه‌ش به‌ڵگه‌یه له‌سه‌ر ئه‌وه‌ى قورئان له‌ئیراده‌یه‌کى ڕه‌هاوه دابه‌زێنراوه که مرۆڤى به‌دیهێناوه و ورده‌کارییه‌کانى ئه‌م به‌دیهێنانه ده‌زانێت، ئه‌م ئیراده ڕه‌هایه‌ش ئیراده‌ى خوای گه‌وره‌یه، به‌دیهێنه‌رى مرۆڤ.