ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
جیاوازى سروشتی زه‌وى . له قورئاندا
نووسینه / سه‌روه‌ر حسن
نووسینگه‌ی ته‌فسیر
خواى په‌روه‌ردگار ده‌فه‌رموێت:{وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ وَالَّذِي خَبُثَ لَا يَخْرُجُ إِلَّا نَكِدًا كَذَلِكَ نُصَڕّفُ الْآيَاتِ لِقَوْمٍ يَشْكُرُونَ (58)} [الأعراف]، واته: وڵاتی به‌پیت و چاک و ئاوه‌دان دار و ڕووه‌کی تێدا ده‌ڕوێت به فه‌رمانی په‌روه‌ردگارى، ئه‌وه‌ش که زۆنگ و پیس و بێکه‌ڵک بێت، شتی بێسوود و بێفه‌ڕ نه‌بێت هیچی لێ په‌یدا نابێت، ئا به‌وشێوه‌یه به‌ڵگه و نیشانه‌ى جۆراوجۆر ده‌هێنینه‌وه بۆ که‌سانێک که دڵسۆزن و سوپاسی خوا ده‌که‌ن.
خاکی کشتوکاڵی له زه‌وییه‌که‌وه بۆ یه‌کێکی تر ده‌گۆڕێت، به‌گوێره‌ى پله‌ى جۆرچاکی: زه‌وى لمین هه‌یه، زه‌وى قوڕین، زه‌وى خوێدار یاخود زه‌وى بیابان و جگه له‌وانه‌ش.
ئه‌م جیاوازییه له سروشتی زه‌ویدا له گرنگترین ڕێسا کشتوکاڵییه‌کانه که له‌کاتی لێکۆڵینه‌وه له‌و زه‌وییانه‌دا ڕه‌چاو ده‌کرێن، ئه‌م ڕاستییه زانستییه له قورئانی پیرۆزدا پێشینه‌ى هه‌یه.
له گرنگترین هۆکاره‌کانی جیاوازى له جۆرى زه‌وى کشتوکاڵیدا، جیاوازییه له قه‌باره‌و ژماره‌ى کونیله‌کانی نێو خاک. بۆ نموونه زه‌وى قوڕینی ڕه‌ش ئاو گل ده‌داته‌وه، چونکه کونیله‌کانی ته‌سکه، ئه‌وه‌ش یارمه‌تی ده‌دات له پارێزگاریکردنی ئاو، له کاتێکدا زه‌وى لمین به خێرایی ئاوى پێدا ڕۆده‌چێت، چونکه کونیله‌کانی فراوانه و ناتوانێت پارێزگارى ئاوى سه‌ر ڕووه‌که‌ى بکات.
دابه‌زینی ئاو به زه‌ویدا ده‌بێته‌هۆى به‌رزکردنه‌وه‌ى ئه‌و هه‌وایه‌ى له کونیله‌کاندا هه‌یه، به‌وه‌ش ئاوه‌که جێی هه‌واکه ده‌گرێته‌وه، هه‌ربۆیه قوڕ به ئاو ده‌کشێت و به وشکبوونه‌وه ده‌چێته‌وه‌یه‌ک.