ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ده‌روونناسى له قورئاندا
نووسینی /سه‌روه‌ر حسن
نووسینگه‌ی ته‌فسیر
قورئانى پیرۆز لێوانلێوه له موعجیزه‌گه‌لى ده‌روونى که تێکڕا له‌گه‌ڵ لایه‌نه ئیعجازییه‌کانى ترى قورئان ده‌یسه‌لمێنن ئه‌م قورئانه له‌لایه‌ن خواوه دابه‌زیوه!
له‌م کتێبه‌دا گرنگترین وتار و توێژینه‌وه‌کانى ئیعجازى قورئان و سوننه‌تى پێغه‌مبه‌ر له بوارى ده‌روونناسیدا ده‌خه‌ینه ڕوو. ئه‌وه‌ى دواتر باسى ده‌که‌ین په‌یوه‌ندى به هه‌ریه‌که‌مانه‌وه هه‌یه، هه‌ر بۆیه ڕه‌نگه ئه‌م کتێبه هۆکارى گۆڕانى گرنگ بێت لاى هه‌ندێک له خوێنه‌ران که تاهه‌نووکه زانیارى ته‌واویان له‌سه‌ر ئه‌م زانسته نه‌بووه. به‌نده گه‌یشتومه‌ته ئه‌و ئاکامه‌ى هه‌رچى ڕاستیگه‌لى دروست و دڵنیا هه‌یه و زانایانى ده‌روونناس ئاشکراى ده‌که‌ن، قورئانى پیرۆز به‌ر له چوارده سه‌ده له‌باره‌یانه‌وه دواوه!!
کارى ئێمه وه‌ک باوه‌ڕداران که بانگه‌شه‌ى خۆشه‌ویستیمان ده‌که‌ین بۆ قورئان، ئه‌وه‌یه که ئه‌م زانسته بگێڕینه‌وه سه‌ر بنه‌ما قورئانیه‌کانى. ئاره‌زووى ئه‌وه ده‌که‌ین له باشترین پایه‌دا بین لاى خوا، ڕێگاى کاره‌که‌ش ئه‌وه‌یه شوێن پێى په‌یامبه‌رى ڕێنوێنى و به‌زه‌یى هه‌ڵبگرین له جوڵه و هه‌ڵسوکه‌وت و ڕێگاى چاره‌کردنى کێشه‌کان و شێوازى مامه‌ڵه‌ى له‌گه‌ڵ ده‌وروبه‌ریدا. له‌خواى گه‌وره داواکارین بمانکاته ئه‌و که‌سانه‌ى له‌باره‌یانه‌وه ده‌دوێت و ده‌فه‌رموێت:
{أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157)} [البقرة]، واته: ئا ئه‌وانه چه‌نده‌ها ستایش و ڕه‌حمه‌ت و میهره‌بانى هه‌ر به‌سه‌ر ئه‌واندا ده‌بارێت له‌لایه‌ن په‌روه‌ردگاریانه‌وه و ئه‌وانه ئه‌و که‌سانه‌ن که ڕێبازى هیدایه‌تیان گرتووه