ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
هه‌وڵه‌کانى باوک له په‌روه‌رده‌کردنی منداڵدا
مه‌سعود محه‌مه‌د ـ هه‌ڵه‌بجه
په‌روه‌رده‌ى منداڵ ده‌ره‌نجامی قه‌بوڵکردنی لێپرسراوێتییه‌که، که هه‌وڵ و هاوئاهه‌نگی باوک و دایکه، په‌روه‌ده‌کردنی منداڵ له‌لایه‌ن دایکه‌وه و چۆڵکردنی گۆڕه‌پانی په‌روه‌رده‌کردن له‌لایه‌ک باوکه‌وه، مندالآن روبه‌ڕووى کێشه و تێکچوونی ره‌فتارى ده‌کاته‌وه.
خاوه‌ن بیروبۆچوونه‌کان له‌وباوه‌ڕه‌دان ئه‌گه‌رچی دایکان مه‌هاره‌تێکی باشیان هه‌یه له په‌روه‌ده‌کردنی منداڵه‌که‌یاندا، به‌لآم باوکان په‌روه‌رده‌که‌رێکی کاریگه‌رن، له‌ڕاستیدا ده‌بێت کابانیش هاوبه‌شیان هه‌بێت له په‌روه‌رده و پارێزگارى گه‌شه‌ى عه‌قڵی و جه‌سته‌یی منداڵه‌کانیاندا.
به‌گشتى مندالآن بۆچوونێکی موباله‌غه‌ئامێزیان له به‌رامبه‌ر باوکیاندا هه‌یه، به گه‌وره و به‌هێز و خاوه‌ن توانایه‌کی پڕۆفیشناڵ ده‌زانن، که تواناى چاره‌سه‌رکردنی کێشه‌کانى هه‌یه و هه‌روه‌ها به ئاگردانى نیازه ماددى و ده‌روونى و کۆمه‌لآیه‌تى و عاتیفی و په‌یوه‌ندییه‌کان و هۆکارى ئارامی ماڵه‌وه و خێزانى ده‌زانن.
ئه‌م بۆچوون و لێپرسراوێتییه گه‌وره و دامه‌زراوه‌ى ده‌که‌وێته ئه‌ستۆى باوکان، هه‌روه‌ها چۆنیه‌تى به‌شداریکردن له گه‌شه‌ى په‌روه‌رده‌ى منداڵدا.
که‌می هه‌وڵی باوک و کاریگه‌ریه‌که‌ى له‌سه‌ر خێزان
ئه‌و مندالآنه‌ی که باوکیان به شێوه‌یه‌کی باش په‌روه‌رده‌ى کردوون، خاوه‌نى توانایه‌کی زۆرن له چاره‌سه‌رى کێشه‌کاندا، مه‌هاره‌ته‌کانى قسه‌کردن و به‌ره‌وپێشچوونی گه‌شه‌ى عه‌قڵی، یان ئه‌کتیڤانه‌ترن له مندالآنی که بێ باوکن، ئه‌م مندالآنه‌ش زۆر به سانایی دوچارى سه‌رلێشێواوی و بێ ئه‌مه‌لی ده‌بن، له‌و خێزانه‌ى که ئاماده‌بوونى باوک لاواز و که‌مه و بێ کاریگه‌ره، منداڵ ئاره‌زووی زیاتر له پێشه‌نگی له هه‌ڵسوکه‌وتى دایکی نیشانده‌دات و ئه‌مه‌ش کێشه به‌تایبه‌تى بۆ کوڕان به‌دی دێنێ.
ئه‌و کچانه‌ى که له‌و خێزانانه‌ى که دایکێکی سه‌رکه‌وتوو و باوکێکی چالاکیان هه‌یه له قۆناغی لاویدا له په‌یوه‌ندییان له‌گه‌ڵ دایکیان و رێکخستنی خێزان زیاتر دوچارى کێشه ده‌بن.