ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
(الفاتحة) گفتۆگۆیه‌ک له‌گه‌ڵ په‌روه‌ردگاردا :
نوسینى : عه‌مر خالد
وه‌رگێڕانى : بورهان محمدامین
ئه‌ندازیار عوسمان
ئاماده‌کردنى : چێنه‌ر
شایانى باسه ئیماندار به‌خوێندنى سوره‌تى (الفاتحة) گه‌وره‌ترین ده‌روازه‌ى گفتوگۆ له‌خۆى ده‌کاته‌وه له‌گه‌ڵ زاتى به‌دیهێنه‌ریدا، له‌گه‌ڵ خواى په‌روه‌ردگاردا، هه‌ربۆیه له‌فه‌رموده‌یه‌کى (قودسيدا) هاتووه که‌خواى گه‌وره ده‌فه‌رموێت : من نوێژم له‌نێوان خۆم و به‌نده‌ى خۆمدا دابه‌ش کردووه ( مه‌به‌ستیشى فاتیحه‌یه که‌به‌شێکى سه‌ره‌کى نوێژه): کاتێک ئیماندار ده‌ڵێت (الحمد لله ربِ العالمين) خوا ده‌فه‌رموێت :
به‌نده‌م سوپاس و ستایشم ده‌کات ، کاتێک ده‌ڵێت ( الرَحمن الرَحيم) ، خوا ده‌فه‌رموێت: به‌نده‌م ستایش و وه‌سفم ده‌کات ، کاتێک ده‌ڵێت (مالك يوم الدِين )، خواده‌فه‌رموێت : به‌نده‌م به‌خاوه‌ن ده‌سه‌ڵاتم ده‌زانێت، کاتێک ده‌ڵێت : ( إيِاك نعبد و إيِاك نستعين ) ، خوا ده‌فه‌رموێت : ئه‌وه‌ش له‌نێوان من و به‌نده‌که‌مدایه، به‌نده‌م ڕاست ده‌کات ئه‌وه‌تا هه‌رمن ده‌په‌رستێت و هه‌رمن به‌پشتیوان ده‌زانێت، کاتی ده‌ڵێت : ( إهدنا الصراط المستقيم ، صراط الَذين أنعمت عليهم غيرالمغظوب عليهم ولاالظَالين ) ، خوا ده‌فه‌رموێت: ئه‌وه‌له‌نێن من و به‌نده‌مدایه ، هه‌رچى داوا بکات پێى ده‌به‌خشم .
جاهه‌رکاتێک تۆى ئیماندار سوره‌تى (الفاتحة) ده‌خوێنیت دڵنیابه له‌وه‌ى که‌خواى گه‌وره نزاکه‌ت لێ وه‌رده‌گرێت ..
به‌ڕاستى قه‌دروڕێزێکى زۆر گه‌وره‌یه بۆتۆ که‌به‌ندایه‌تى بۆ په‌روه‌ردگارى مه‌زن ده‌نوێنیت ، چونکه تۆ به‌وه زۆر گه‌وره ده‌بیت ، ئیتر نابیت به‌به‌نده‌ى هیچ که‌س و هیچ شتێکى تر ..
هه‌ربۆیه کاتێک خه‌لیفه عومه‌رى کوڕى عبدالعزیز سوره‌تى (فاتيحة)ى ده‌خوێنده‌وه دواى هه‌رئایه‌تێک که‌مێک بێ ده‌نگ بووه ، کاتێ لێیان پرسیوه ئه‌وه‌بۆچى ؟ فه‌رمویه‌تى ده‌مه‌وێت گوێم له‌وه‌ڵامى په‌روه‌ردگارم بێت..!!
جائه‌گه‌ر ئه‌وحاڵه‌ته بۆمان دروست بێت هه‌موو جارێک هه‌روه‌کو له‌فه‌رمووده قودسیه‌که‌دا هاتووه ڕه‌نگه له‌خۆشیدا باڵ بگرین !!