ماڵپەری قورئانی پیرۆز

خواى گه‌وره‌ ده‌فه‌رموێت:{وَالْقَمَرَ قَدَّرْنَاهُ مَنَازِلَ حَتَّى عَادَ كَالْعُرْجُونِ الْقَدِيمِ (39)} [يس]، واته‌: کات و شوێنى هه‌ڵهاتنى مانگمان دیاریکردووه‌، هه‌تا سه‌ره‌نجام وه‌ک چیلکه‌یه‌کى وشکى باریک ده‌نوێنێت.

ڕاڤه‌کارانى قورئانى پیرۆز ده‌ڵێن: "خواى گه‌وره‌ کات و شوێنى هه‌ڵهاتنى مانگى دیاریکردووه‌،

له‌ شه‌وى یه‌که‌مى مانگدا به‌ کزى و ڕووناکییه‌کى که‌مه‌وه‌ هه‌ڵدێت، پاشان له‌ شه‌وى دووه‌مدا ڕووناکییه‌که‌ى زیادده‌کات و شوێنه‌که‌شى به‌رزتر ده‌بێته‌وه‌، چه‌ند به‌رزبێته‌وه‌ هێنده‌ش ڕووناکییه‌که‌ى زیادده‌کات تاکو له‌ شه‌وى چوارده‌دا ده‌گاته‌ ئه‌وپه‌ڕى ڕووناکى خۆى. له‌دواى ئه‌م حاڵه‌ته‌شه‌وه‌ ده‌ستده‌کات به‌ که‌مکردن تا کۆتاهه‌مین شه‌وى مانگ که‌ تیایدا وه‌ک چیلکه‌یه‌کى وشکى باریکى لێدێت".

زانست ده‌ڵێت: "شێوازه‌ جیاواز و قۆناغبه‌ندییه‌کانى مانگ که‌ له‌سه‌ر زه‌وییه‌وه‌ ده‌بینیرێت، ده‌گه‌ڕێته‌وه‌ بۆ ئه‌وه‌ى خۆر به‌ به‌رده‌وامى نیوه‌ى مانگ ڕووناک ده‌کاته‌وه‌ و نیوه‌که‌ى ترى تاریکه‌. ڕووه‌ ڕووناکه‌که‌ى به‌رده‌وام ڕووى له‌ خۆره‌ و له‌ کۆتایى مانگیشدا مانگ له‌نێوان ئێمه‌ و خۆردا ده‌بێت، ڕووه‌ ڕووناکه‌که‌ى به‌رامبه‌ر به‌ خۆره‌ و ڕووه‌ تاریکه‌که‌ى به‌ره‌و ئێمه‌یه‌، بۆیه‌ نایبینین. له‌دواییدا ده‌ستده‌کات به‌ به‌رزبوونه‌وه‌ و ئیتر که‌مێک له‌ به‌شه‌ ڕووناکه‌که‌ ده‌بینین، واته‌ یه‌ک شه‌وه‌ (هيلال) ده‌بینرێت. پاشان که‌ مانگ زیاتر به‌رزبووه‌وه‌ ئه‌وکاته‌ به‌شه‌ نیوه‌ ڕووناکه‌که‌ى ده‌بینرێت، کاتێکیش مانگ به‌ چوارده‌ شه‌وه‌) ى ده‌بینین ئه‌وکاته‌ زه‌وى له‌نێوان خۆر و مانگدایه‌. ڕووه‌ ڕووناکه‌که‌ى به‌رامبه‌رمانه‌ و تاریکه‌که‌شى له‌ پشته‌وه‌، به‌مجۆره‌ ڕووه‌ تاریکه‌که‌ پێچه‌وانه‌ى ئێمه‌یه‌.