ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
فرمێسکی باوه‌ڕداران (چیرۆك)
نووسینی / هارون نوح طه
كتێبخانه‌ی محوی
هاوڕێیه‌تی (بُهَيم العجلي) که به أبو بکر ناسراوه له‌گه‌ڵ پیاوێکی بازرگانی ده‌وڵه‌مه‌ند له سه‌فه‌ری حه‌ج
بهیم یه‌کێک بوو له‌م خواپه‌رستانه که به‌رده‌وام فرمێسکی ده‌باراند له ترسی خوا. ده‌ڵێ که ده‌ستیان کرد به ڕۆیشتن بۆ حه‌ج، ئه‌وه‌نده گریا له ڕێگا تاکو فرمێسکه‌کانی ڕژانده سه‌ر سینگی.
ووتی: من به‌و کاروانه کاروانی ترم بیرهاته‌وه، که کاروانی به‌ڕێکه‌وتنه بۆ لای خودا ئینجا ده‌ستی کرده‌وه گریان. پیاوه بازرگانه‌که زۆر پێی ناخۆش بوو ووتی: ده‌ترسم شتێکی لێ بێت له‌م سه‌فه‌ره به هۆی ئه‌م زۆر گریانه. که هاتنه‌وه له‌م سه‌فه‌ره پیاوێکی هاوڕێی بازرگانه‌که هاته لایان سه‌لامی لێ کردن. یه‌که‌م جار چووه لای بازرگان ووتی: حاڵت چۆن بوو له‌گه‌ڵ (بُهَيمْ)؟
وتی: سوێند به‌خوا وا ده‌زانم له مه‌خلوقی خوا که‌س وه‌کو ئه‌و نییه. سوێند به خوا یارمه‌تی ده‌دام له خواردن. که فه‌قیر بوو منیش ده‌وڵه‌مه‌ند، زۆر ڕێزی لێ ده‌گرتم که‌چی خۆی پیرو بێ هێز بوو به‌لآم من گه‌نج بووم، خواردنی بۆ لێده‌ناین که‌چی به ڕۆژوو بوو منیش بێ ڕۆژوو بووم. ئینجا هاوڕێیه‌که ووتی: سه‌باره‌ت به گریانه زۆره‌که‌ی ئایا پێت ناخۆش نه‌بوو؟ ووتی: سوێند به خوا دڵم پێوه به‌ند بوو خۆشه‌ویستی هاته ناو دڵم تاکو وای لێ کردم که یارمه‌تی بده‌م. کاروانه هه‌موویان ئازاریان ده‌چێشت به‌لآم ئه‌وانیش ڕاهاتن له‌سه‌ر ئه‌م حاڵه. که گوێیان له ئێمه ده‌بوو ده‌گریاین ئه‌وانیش له‌گه‌ڵمان ده‌گریان. ئینجا هاوڕێیه‌که ڕۆیشت له لای بازرگان چوو بۆ لای (بُهَيْم) سه‌لامی لێ کرد. ووتی: هاوڕێیه‌که‌ت (بازرطانة)که چۆن بوو له گه‌ڵت؟ ووتی: زۆر باش بوو، چاکترین هاوڕێ بوو، زۆر یادی خوای ده‌کرد، زۆر قورئانی ده‌خوێند، زۆر ده‌گریا، له هه‌ڵه‌ی هاوڕێیانی ده‌بووری، خوا پاداشتی بداته‌وه