ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
٦- شـه‌و نـوێـژ:
نوسینى/ناصح ابراهیم سازانى
شه‌و نوێژ یه‌کێکه له سوننه‌ته گه‌وره‌کان جگه له نوێژه فه‌رزه‌کان خێرى له هه‌موو نوێژێکى تر زیاتره, دوو رکات دوو رکات ده‌کرێ و کۆتایشى به سوننه‌تى وه‌تر دێ.
خواى گه‌وره وه‌سفى هاوه‌لآنى پێغه‌مبه‌ر صلى الله علیه وسلم و ئیمانداره راسته‌قینه‌کان ده‌کات به‌وه‌ى که‌مێک له‌شه‌و ده‌خه‌ون, شه‌ویان به‌عیباده‌ت به‌ڕێ ده‌که‌ن: [كَانُوا قَلِيلًا مِّنَ اللَّيْلِ مَا يَهْجَعُونَ ﴿١٧﴾ وَبِالْأَسْحَاڕ هُمْ يَسْتَغْفِرُونَ] الذاریات: ١٧ - ١٨. واته: ئه‌وانه که‌مێک له‌شه‌ودا ده‌خه‌وتن (شه‌و نوێژیان ده‌کرد). وه له‌به‌ره‌به‌یاناندا داواى لێخۆشبوونیان ده‌کرد.
* پێغه‌مبه‌رى خوا صلى الله علیه وسلم ده‌فه‌رموێت: (أَفْضَلُ الصَّلاةِ بَعْدَ الفَريضَةِ صَلاةُ اللًّيلِ) . واته:
باشترین نوێژ له‌دواى نوێژه فه‌رزه‌کان شه‌و نوێژه.
* هه‌روه‌ها ده‌فه‌رموێت: (فى الجنّةِ غُرفَةٌ يُرى ظاهِرُها مِنْ بَاطنِها, وبا طنُها من ظَاهِرها). واته: به‌هه‌شت ژوورى واى تێدایه له ناویه‌وه ده‌ره‌وه‌ى ده‌بینى, له ده‌ره‌وه ناوه‌وه‌ى ده‌بینى, ئه‌بو مالیکى ئه‌شعه‌رى وتى: ئه‌ى پێغه‌مبه‌رى خوا ئه‌وه بۆ کێیه؟ فه‌رمووى: (لِمَنْ أَطابَ الكَلام, وأَطِعم الطَعام, وَبَاتَ قائِماً والنّاسُ نيامٌ) . واته: بۆ ئه‌و که‌سه‌یه که قسه‌ى جوان و چاک بکات, خواردن بدات به فه‌قیرو هه‌ژاران, شه‌ونوێژ بکات له کاتێکدا که خه‌ڵک خه‌وتوون, قورئانى زۆر بخوێنێ له شه‌ودا.