ماڵپەری قورئانی پیرۆز

ئیمامی مالیک (ڕەزای خوای لێ بێت) شەوێک لە خەوی دا فریشتەی گیان کێشانی بینی. پرسیاری لێی کرد ووتی ئەی گیان کێش چەندێکم ماوە لە ژیان؟ گیان کێش بە ھەر پێنج پەنجەی ئاماژەی بۆ دەکات. ئیمامی مالیک نەیزانی مەبەستی چییە ئایا مانگ یان ڕۆژ یان ساڵ بوو.

 

بە خەبەر ھات لەم خەوە چووە لای پێشەوای خەون لێکدەرەوە (إبن سیرین) بۆ مانای خەونەکەی. إبن سیرین ووتی: ئەی مالک خێرە ھاتوی؟ ووتی: خەوێکم بینی سەرم سوڕماوە لە مانایەکەی، ئینجا بۆی گێڕایەوە. إبن سیرین ووتی: ئەی پێشەوا مالک مردن بۆ ھیچ کەسێ دیاری نەکراوە نە بە ڕۆژ نە بە مانگ نە بە ساڵ. تەنھا فریشتەی گیان کێشان بەم مانایە وەڵامی تۆی داوەتەوە کە مەبەست لەم پێنج پەنجەیە. پێنج شت ھەنە تەنھا خوا دەزانیء زانستەکەی لە لای ئەوە. ھەروەک لە کۆتایی سوڕەتی (لقمان)دا دەفەرموێ: [إِنَّ اللَّەَ عِندَەُ عِلْمُ السَّاعَەِ ۆیُنَزِّلُ الْغَیْپَ ۆێعْڵمُ مَا فِی الْارْحَامِ ۆمَا تَدْڕی نَفْسٌ مَّاژَا تَکْسِبُ غَدًا ۆمَا تَدْڕی نَفْسٌ بِڕَیِّ ڕَرْچٍ تَمُوتُ إِنَّ اللَّەَ عَلِیمٌ خَبِیرٌ ] لقمان/ ٣٤.

واتە: خوای گەورە زانستی قیامەتی لەلایە بەس ئەو دەزانێ کەی قیامەتە، ھەروەھا باران دەبارێنێ، دەزانێ ئەم ئاوە لە نێو ڕەحم دا دەبێتە کوڕ یان کچ، ھیچ کەسێ نازانی بەیانی چی دەکات، ھیچ کەسیش نازانێ کەی دەمرێء لە کوێ دەمرێ خوای گەورە زاناو ئاگادارە.