ماڵپەری قورئانی پیرۆز

یه‌کێکى تر له‌و نوێژانه‌ نوێژى چێشته‌نگاوه‌ له‌ دوو رکاته‌وه‌ سوننه‌ته‌ تا هه‌شت رکات دوو رکات دوو رکات ده‌کرێت. 

  * ئه‌بو هوریره‌ ره‌زاى خواى لێ بێ فه‌رموی: پێغه‌مبه‌رى خوا صلى الله علیه‌ وسلم ئامۆژگارى کردووم به‌ کردنى سێ شت: (أَوْصَانِي خَلِيلِي بِثَلَاثٍ لَا أَدَعُهُنَّ حَتَّى أَمُوتَ (صَوْمِ ثَلَاثَةِ أَيَّامٍ مِنْ كُلِّ شَهْرٍ وَصَلَاةِ الضُّحَى وَنَوْمٍ عَلَى وِتْر) . واته‌: سێ رۆژ رۆژوو له‌ مانگێکدا, دوو رکات نوێژى چێشته‌نگاو, نوێژى وه‌تریش بکه‌م پێش ئه‌وه‌ى بخه‌وم.

   * پێغه‌مبه‌رى خوا صلى الله علیه‌ وسلم له‌ ساڵى رزگارکردنى مه‌که‌دا هه‌شت رکات نوێژى چێشته‌نگاوى کردووه‌ له‌ ماڵى ئوم هانیئدا ره‌زاى خواى لێ بێ.

  * پێغه‌مبه‌رى خوا صلى الله علیه‌ وسلم ده‌فه‌رموێت: (لايُحافِظُ عَلى الصَّلاة الضُحى إلأ أَوّاب) . واته‌: پارێزگارى له‌ نوێژى چێشته‌نگاو ناکات مه‌گه‌ر که‌سێ نه‌بێت که‌ ته‌وبه‌کار بێت و زوو زوو بگه‌ڕێته‌وه‌ بۆلاى خواو په‌شیمان بێته‌وه‌ له‌ گوناه.

  * مرۆڤ (360) جومگه‌ى هه‌یه‌ ئه‌گه‌ر نوێژى چێشته‌نگاوى کرد هه‌ر جومگه‌ و چاکه‌یه‌کى بۆ ده‌نوسرێت: (يُصْبِحُ عَلَى كُلِّ سُلاَمَى مِنْ أَحَدِكُمْ صَدَقَةٌ فَكُلُّ تَسْبِيحَةٍ صَدَقَةٌ وَكُلُّ تَحْمِيدَةٍ صَدَقَةٌ وَكُلُّ تَهْلِيلَةٍ صَدَقَةٌ وَكُلُّ تَكْبِيرَةٍ صَدَقَةٌ وَأَمْرٌ بِالْمَعْرُوفِ صَدَقَةٌ وَنَهْىٌ عَنِ الْمُنْكَڕ صَدَقَةٌ وَيُجْزِئُ مِنْ ذَلِكَ رَكْعَتَانِ يَرْكَعُهُمَا مِنَ الضُّحَى) . واته‌: هه‌موو رۆژێک گشت جومگه‌ و ئێسکێکى ئاده‌میزاد خێرێکى ده‌که‌وێته‌ سه‌ر هه‌موو(سبحان الله)یه‌ک چاکه‌یه‌که‌, هه‌موو(الحمد لله)یه‌ک چاکه‌یه‌که‌, هه‌موو(لا الة الا الله)یه‌ک چاکه‌یه‌که‌, هه‌موو( اللة اكبر)ێک خێر وچاکه‌یه‌که‌,فه‌رمان به‌چاکه‌ خێرێکه‌, قه‌ده‌غه‌کردنى خراپه‌ چاکه‌یه‌که‌, دوو رکات نوێژى چێشته‌نگاو به‌ قه‌د ئه‌مانه‌ هه‌موویان خێرى هه‌یه‌.