ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
شەیبانی شوان (شیبان الراعی) (چیرۆك)
نووسینی /هارون نوح طه
كتێبخانه‌ی محوی
محمدی کوڕی حەمزە دەڵێ: شیبان یەکێکە لە پیاوچاکانی خوا. دەڵێ ئەگەر بێ دەست نوێژ با، ئاوی دەست نەکەوتبا داوای لە خوا دەکرد ھەورێک لە ئاسمان دەھاتە سەری بارانی بۆ دەباری تاکو غوسلی پێ بکات. کە دەڕۆیشت بۆ نوێژی جومعە، مەڕءماڵاتی لە شوێنێک ڕادەگرتء خەتێکی بۆ دەکێشان بە زەوی کە دەگەڕایەوە لە شوێنی خۆیان نەدەجولانء پەرتء بڵاو نەدەبوون.
دەڵێن جارێک (ھارون الرشید) چووە حەج ووتیان: ئەی ڕمیر المۆمنین دەزانی ئەم ساڵ شەیبان ھاتۆتە ئێرە بۆ حەج کردن؟ ووتی: بڕۆن بۆم بانگ بکەن. گەڕان بە شوێنی تاکو دۆزییانەوەء ھێنایانە لای ھارون الرشید. پێی ووت: ئەی شیبان ئامۆژگاریم بکە. ووتی: ئەی ڕمیر المۆمنین زمانی عەرەبی باش نازانم ئەگەر کەسێک ھەبێ قسەکانم بۆت وەرگێڕێ بۆ سەر عەرەبی (ترجمە) تاکو قسەت لەگەڵ بکەم.
پیاوێکیان ھێنا بۆ لای شیبان پێی ووت: بڵێ بە ڕمیر المۆمنین ئەو شتەی کە تۆ دەترسێنێ پێش ئەوەی بگەیتە دڵنیا بوونء ئاسایی بوون ئامۆژگاریت دەکەمء پێت دەڵێم کێ یە ئەم دڵنیاییەو ئاساییەت دەداتێ پێش ئەوەی ترست بگاتێ.
ھارون بە وەرگێڕی ووت: پێی بڵێ مانای ئەم ووشەیە چیە؟ شیبان ووتی: پێی بڵێ:شیبان پێت دەڵێ ئەی ئەوە لە خوا بترسە چونکە تۆ پیاوێکی لەم ئوممەتە ئەم خەڵکەی بەتۆ سپاردووەء تۆی کردووە بە شوانی ئەم خەڵکە. تۆش پرسیارت لێ دەکرێ سەبارەت بەم رەعیەتە. دادپەروەر بە لە نێوانیان. دابەش بکە بە یەکسانی. لەگەڵ ھێزەکانء سریەکان دەرچەو بڕۆ لە گەڵیان. لە خوا بترسە لە نەفسی خۆت. ئا ئەوەیە کە دەتترسێنێ کە گەیشتیتە دڵنیاییء ئارامی ئەو دڵنیات دەکات.
ئەوە باشترە کە ئامۆژگاری لێ وەربگریت لەوەی کە بڵێن ئێوە ماڵی خوا لێخۆشبوون. ئێوە نزیکن لە پێغەمبەر (درودی خوای لەسەر بێت). ئێوە بە بەر شەفاعەتی پێغەمبەر (درودی خوای لەسەر بێت) دەکەون. ئینجا ھارون الرشید دەستی کردە گریان ئەوەندە گریا تاکو خەڵکی دەوروبەری بەزەییان پێدا ھاتەوە ئینجا ووتی: زیاتر ئامۆژگاریم بکە. شیبان ووتی: ئەوەندە بەسە ئینجا ڕۆیشت.