ماڵپەری قورئانی پیرۆز

خوای پەروەردگار دەفەرموێت:{وَفَاكِهَةٍ مِمَّا يَتَخَيَّرُونَ (20) وَلَحْمِ طَيْرٍ مِمَّا يَشْتَهُونَ (21)} [الواقعة]، واتە: میوەشیان بۆ دەگێڕن، بە ئارەزووی خۆیان لێی ھەڵدەبژێرن، گۆشتی ھەر باڵندەیەکیش کە حەزی لێبکەن بۆیان ئامادەیە. 

ھەروەھا دەفەرموێت:{وَأَمْدَدْنَاهُمْ بِفَاكِهَةٍ وَلَحْمٍ مِمَّا يَشْتَهُونَ (22)} [الطور]، واتە: بەردەوام حەزیان لە ھەر میوە و گۆشتێک بێ پێشکەشیان دەکەین.

زانستی پزیشکی نوێ و خۆراکناسی ئاشکرایانکرد کە خواردنی میوە لەپێش ژەمە خۆراکییەکان سودگەلێکی تەندروستی ھەیە، چونکە میوە شەکرە سادەکانی تێدایە کە بە ئاسانی ھەرس دەکرێن و خێراش دەمژرێن، ڕیخۆڵەکانیش لە ماوەیەکی کورتدا (کە بە چەند خولەکێک مەزەندە دەکرێت) ئەو شەکرانە دەمژن و جەستە پێیان دەبوژێتەوە و نیشانەکانی برسێتی و کەمی شەکر نامێنێت. ئەگەر ھاتوو کەسێک ڕاستەوخۆ گەدەی پڕ لە خۆراکی جیاواز بکات، پێویستی بە نزیکەی سێ کاتژمێر دەبێت تاکو ئەو شەکرەی تێیدایە دەیمژن، بۆیە بۆ ماوەیەکی درێژ نیشانەکانی برسێتی دەمێننەوە. 

شەکرە سادەکان، وێڕای سادە ھەرسبوون و مژینیان، سەرچاوەیەکی بنەڕەتی وزەی خانە جیاوازەکانی جەستەشن. لەو خانانەی سوودێکی خێرا لە شەکرە سادەکان دەبینن دیواری ڕیخۆڵەکانن، کە بەخێرایی چالاک دەبنەوە کاتێک شەکری میوەیان پێدەگات، ئامادەباشیش دەبن بۆ جێبەجێکردنی فەرمانەکان بە باشترین شێوە (لە مژینی جۆرە جیاوازەکانی خۆراک کە کەسەکە لەدوای میوە دەیانخوات). 

ڕەنگە ئەوە حیکمەتی پێشخستنی میوە بێت بەسەر گۆشتدا، وەک شێوازی ئایەتە پیرۆزەکە.