ماڵپەری قورئانی پیرۆز

ِەنگە زۆرترین کتێبی فرۆشراو لەسەر ئاستی جیھان لە ئەمڕۆدا ئەو کتێبانە بن کە دەربارەی (پرۆگرامسازی زمانیانەی دەماری-NLP)ن، ئەگەر ھەندێک لەو کتێبانەمان خوێندەوە تێبینی دەکەین زانایانی ئەم پرۆگرامسازیە ڕێگای کرداری پێشنیاز دەکەن بۆ چارەسەری ناھاوسەنگی و کەموکوڕی لە دەروونی مرۆڤدا، وەک شکست و خەمۆکی و ھەستە سەلبیەکان و جگە لەوانەش.

ڕێگای سەرکەوتوو و زیاتر بەکارھاتوو لەلایەن چارەسەرکار و وانەبێژانەوە ئەوەیە کە ئەو کەسەی گرفتاری ھەستە سەلبیەکانە دابنیشێت و کاغەز و قەڵەم بەدەستەوە بگرێت و بیر لە ژمارەیەک لە ھەستە سەلبیەکانی خۆی بکاتەوە، یان ئەوەی ھەستی پێدەکات، پاشان ژمارەیەک ھەستی ئیجابی دەنوسێت کە خواستی دەستەبەرکردنیانی ھەیە و گومان دەکات سەرکەوتنی بۆ بەدیدێنن.

ھەنووکە بیر لەو ھەستە سەلبیانەی دەکاتەوە کە نووسیونی لەگەڵ ئەو شتانەی بۆی پێشدێنن ئەگەر بیرکردنەوەی لەسەر ئەم حاڵەتە بەردەوام بوو، ئەو ھەڵوێستە گران و ناڕەحەتانە دێنێتە پێشچاو کە پیایاندا تێپەڕدەبێت ئەگەر ھاتوو لەسەر ئەم حاڵەتی ھەڵچوون و ھەڵوێستە سەلبیانە بەردەوام بوو. تێڕوانینی کۆمەڵگا بۆی وێنا دەکات لەکاتێکدا ئەم بیروبڕوا و ھەستە سەلبیانەی ھەڵگرتووە، ھەوڵدەدات پەرچەکرداری کۆمەڵگا بۆی وێنا بکات لەکاتێکدا ئەم بیروبڕوا و ھەستە سەلبیانەی ھەڵگرتووە، ھەوڵدەدات پەرچەکرداری کۆمەڵگای دەوروبەری بێنێتە خەیاڵ بەرامبەر بەم ھزرە سەلبیە نەخواستراوانەی ھەیەتی.

لەدوای ئەمە دەچێتە سەر ھەستگەلی ئیجابی و ئەو ھزرانەی خەونیان پێوە دەبینێت لەگەڵ ئەو سیفەتانەی خوازیارە بەشێک بن لە کەسایەتیی، بیر لە ئاکامە ئیجابیەکانیان دەکاتەوە، بیر لەو سەقامگیرییە دەروونی و جەستەییە دەکاتەوە کە بەھۆیانەوە چنگی دەکەوێت، ئەو حاڵەتە وێنا دەکات کە تێیدا دەبێت ئەگەر ھاتوو ئەم سیفەتە ئیجابیانەی لە کەسێتییدا چەسپاند...

ھەوڵدەدات قەبارەی ئەو سوودانە خەیاڵ بکات کە لە ھەستە ئیجابیەکانەوە دەیانچنێتەوە، چۆن تێڕوانینی دەوروبەر بەرامبەری دەگۆڕێت، مەودای خۆشەویستی ئەوانی تر بۆی دێنێتە پێشچاو لەگەڵ ئەوە کە چۆن ڕێز و پێزانین و متمانەیان بەدەستدێنێت.

لەم بارەدا ھزرەکان کارلێک دەکەن و دەچنە نێو ئەقڵی پەنھان و گۆڕان بە ئاڕاستەی باشتربوون دەستپێدەکات، دەروونی مرۆیی بە سروشتی خۆی ئارەزووی خۆشەویستی سەرکەوتن و سەقامگیری و ئومێد دەکات.