ماڵپەری قورئانی پیرۆز

ئا / زانیار محەمەد
١-کاتێک شتێک ئەکەوێتە چاوتەوە، مەیخورێنە، پێدەچێت ئەو خورانە ببێتە هۆکاری جێگیربوونی ئەو شتە لە چاودا، بۆیە چاوەکانت بۆ ماوەیەک دابخە هەتا فرمێسک بە چاوتدا دێتە خوارەوە و شتەکە لە چاوت دێتە دەرەوە.
٢- کاتێ پێڵوەکانی چاوت بەهۆی هەواوە سوور هەڵگەڕێت، هیچ شتێکی لێ مەدە، بەڵکو خوێ و ئاو تێکەڵ بکە هەتا جوان ئەتوێتەوە و ئاوەکە رون ئەبێتەوە، دوایی چاوەکانتی پێ بشۆ.
٣- زۆر هەڵەیە کاتێک بۆ ماوەیەک سەیری هەتاو، یان ئاگری ئاگردان، یان گڵۆپێک ئەکەین. ئازاری چاو زۆر ئەدات.
٤- هەرچەندە چاوەکانت سەلامەت و باش بن، پێویستە هەموو چەند خولەک جارێک پشویەکی پێ بدەیت.
٥- هەر کارێک بکەیت، پێویستە رووناکی لەلای راستەوە بێت بۆت، نەک لای چەپ و بەردەم.

٦- هەرگیز لە کاتی رۆشتندا، یان لە پاس و شەمەندەفەر و پاڵکەوتندا مەخوێنەرەوە.

٧- ئاگات لە گۆڕینی کەش بێت بە خێرایی لە: * گەرمی بۆ ساردی. * تاریکی بۆ رۆشنایی.
٨- ئەوانەی کە چاویلکە بەکارئەهێنن، پێویستە هەموو ماوە جارێک لە کاتی کارکردندا چاویلکەکانیان دابنێن و چاویان دابخەن، بۆ پشودان بە چاویان.