ماڵپەری قورئانی پیرۆز

ساڵانێک گرانیء قاتیء بێ بارانی ڕووی کردە خەڵک لە سەردەمی قازی (منذر البلوطی) ڕەحمەتی خوای لێ بێت. پاشا فەرمانی دا کەوا نوێژی باران بۆ خەڵک بکات، کاتێ نامەی پاشای پێ گەیشت.

ووتی بە ھەڵگری نامەکە: پاشا چۆن بوو کە لەلای ھاتی؟ نامەبەر ووتی: سوپاس بۆ خوا لە ھەموو کەسێ ملکەچ ترە، لە ھەموو کەسێ زیاتر دەپاڕێتەوە لەبەر خوا. قازی ووتی: دەنا سوێند بەخوا بارانتان بۆ دەبارێ. ئەگەر گەورە پیاوانی سەر زەوی ملکەچ بوون خوای ئاسمان بەزەیی پێدا دێنەوە.

ئینجا قازی بانگی خزمەتکاری خۆی کرد ووتی: خەڵکم بۆ کۆ بکەوە با بچینە شوێنی نوێژ کردن. ئینجا قازی ھات بۆ ئەوەی نوێژیان بۆ بکات. بەسەر مینبەر کەوت خەڵکیش ھەمووی سەیریان دەکرد. یەکەم شت کە دەستی پێ کرد ووتی: سلام علیکم [کَتَبَ رَبُّکُمْ عَڵی نَفْسِەِ الرَّحْمَەَ ڕَنَّەُ مَن عَمِڵ مِنکُمْ سُوءًا بِجَەَاڵەٍ پُمَّ تَابَ مِن بَعْدِەِ ۆڕَێْڵحَ فَڕَنَّەُ غَفُورٌ رَّحِیمٌ] (الانعام/ ٥٤).  

ئەم ئایەتەی چەند جار دووبارە دەکردەوە چونکە پەیوەست بوو بە تۆبە کردنء گەڕانەوە بۆ لای خوا. ئینجا خەڵکەکە ھەمووی دەستیان کرد بە گریان لە گوناھەکانیان پەشیمان بوونەوەء تەوبەیان کرد ئینجا گەڕانەوە قاچەکانیان کەوتە ناو ئاو.