ماڵپەری قورئانی پیرۆز

شێخ حەسەنی بەسری دەفەرمووێ: ئافرەتێکی داوێن پیس ھەبوو کەمێک جوان بوو. خۆی تەسلیم نەدەکرد بە ھیچ کەسێ تاکو سەد دیناریان پێ نەدابا. پیاوێکی خوا پەرست چاوی پێ کەوت زۆر بەلای سەیر بوو. بیری کردەوە چۆن لێی نزیک بێتەوە ڕۆیشت کاری کرد تاکو سەد دیناری کۆ کردەوە ئینجا چووە لای 

پێی ووت: بەڕاستی من زۆر بە تۆ سەر سوڕمان بووم بۆیە سەد دینارم کۆ کردۆتەوە بۆت. ئافرەت ووتی: باشە وەرە ژوورێ. چووە ژوورێ بینی تەختێکی زێڕی ھەبوو لەسەر تەختەکەی خۆی دانیشت ئینجا بە پیاوەکەی ووت: وەرە. کە پیاوەکە ویستی خراپەی لەگەڵ بکات بیری لە خوا پەرستیەکەی خۆی کردەوە. ترسی دروست بوو لە دڵی، بە ئافرەتەکەی ووت: وازم لێ بێنە ئەم پارەت ھەمووی بۆ خۆت. ووتی بۆ چیت بینی؟ کەچی تۆ بە من سەرسوڕمان بوویتء ھاتیت بۆ لام. کە توانیت بێیتە لام ھاتی. ووتی: ترسی خواو شوێنی من لە لای خوا. کەچی ئێستا من زۆر ڕقم لێتە لە ھەموو کەسێ زیاتر. ووتی: ئەگەر ڕاست دەکەیت من ھیچ مێردێکم نییە جگە لە تۆ. ووتی: نەخێر وازم لێ بێنە دەڕۆم. ئافرەت ووتی: نابێ بڕۆیت تاکو مارەم نەبڕی لە خۆت. ووتی: نەخێر دەڕۆم.

ئافرەتەکە ووتی: باشە بەس من دێمەوە لات، دەبێ مارەم بکەیت. ووتی: بە ھیوای ئەوە. ئینجا جلء بەرگی خۆی لەبەر کردەوە ڕۆیشت بۆ شارەکەی خۆی. ئافرەتەکەش تۆبەی کردوو پەشیمان بووەوە لە کارەکەی خۆی. ڕۆژێک چووە شاری ئەم پیاوە، پرسیاری لە ناوی ئەم پیاوەو شوێنی کرد. پێیان نیشان دا، 

چوونە لای ووتیان ئەم مەلیکەیە (مەبەست ئافرەتە جوانەکە بوو کە تۆبەی کرد) ھاتۆتە لات کاری پێت ھەیە. ووتی: با بێت کە بینی ئافرەتەکەیە یەکسەر لە شوێنی خۆی کەوتە خوارێ گیانی دەرچوو. ئافرەتەکە ووتی: ئەم پیاوە من وام لێ کرد من بە زایەم دا. ئایا ھیچ خزمێکی نزیکی ھەیە؟ ووتیان: بەڵێ برایەکی فەقیری ھەیە. ووتی: من خۆم لە ئەو مارە دەکەم، لەبەر خاتری خۆشەویستی ئەم پیاوە. ئینجا برایەکەی مارەی کرد