ماڵپەری قورئانی پیرۆز

قورئانی پیرۆز سەدان ساڵ پێش زانست کەوتووە لە دانپێدانانی زیندوویەتی ئێسک و بایەخی گەورەی ئێسک لە ئەرکەکانی مرۆڤدا... لە سورەتی (مریم)دا زەکەریا (سەلامی خوای لێبێ) ھانا و ھاواری بۆ خوای پەروەردگار برد کە منداڵێکی پێببەخشێت، ئەگەرچی ھاوسەرەکەشی منداڵی نەدەبوو و ئێسکەکانیشی لاوازبوون.

پەروەردگار دەفەرموێت:{قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا (4)} [مريم]، واتە: پەروەردگارا! بەڕاستی من ئێسکەکانم لاواز بوون و قژی سەرم ھەرھەمووی سپێتی دایگرتووە، بەڵام من ھەرگیز لە دوعا و پاڕانەوەم لە زاتی تۆ نائومێد نەبووم و (دەستت نەناوە بە ڕوومەوە).

لەم ئایەتە پیرۆزەدا قورئان باس لەپەیوەندی بەرھەمھێنانی منداڵ دەکات بەئێسکەکانەوە.

لەم دوادواییانەدا زانست سەلماندی کە ئێسکەکانی کار و ئەرکی گرنگیان ھەیە، بەجۆرێک کە ژیانی مرۆڤی لەسەر وەستاوە، ئێَسک ھەموو ئەوەی تێدایە کە لەش پێویستی پێیەتی، وەک: (فۆسفۆر و کالیسیۆم) و کرداری دابەشکردنیان ڕێکدەخات بەشێوەیەک کە لێدانەکانی دڵ و جوڵەی ماسولکەکان دەپارێزێ.

ھەروەھا ئێسکەکان بەدرێژایی ژیانی مرۆڤ و بەبێ پچڕان خڕۆکە سوور و سپیەکان بەرھەمدێنن.

وەک زانست پێیگەیشتووە کە حاڵەتی ئێسکەکان ڕاستەوخۆ کاردەکەنە سەر کۆئەندامی دەمار، لەبەرئەوە ڕاستەوخۆ دەچنە نێو توانای مرۆڤەوە بۆ بەرھەمھێنانی منداڵ... ھەر ئەوەشە قورئانی پیرۆز ئاماژەی پێداوە.