ماڵپەری قورئانی پیرۆز

پێناسی مرۆڤـ لە مۆری سەری پەنجەکانیدایە

کاتێک قورئانی پیرۆز باسی ئەوە دەکات کە زۆر ئاسانە بۆ پەروەردگار مرۆڤ زیندوو بکاتەوە، تەرکیز لەسەر بابەتی مۆری پەنجە ھەیە. 

{أَيَحْسَبُ الْإِنْسَانُ أَلَّنْ نَجْمَعَ عِظَامَهُ (3) بَلَى قَادِڕينَ عَلَى أَنْ نُسَوِّيَ بَنَانَهُ (4)} [القيامة]، واتە: ئایا مرۆڤ وادەزانێت (دوای مردن) ئێسکەکانی کۆناکەینەوە؟! بەڵکو توانامان ھەیە نەخشە وردەکانی کۆتایی پەنجەی (وەکو خۆی) بەدیبھێنینەوە . 

تەرکیزکردن لەسەر مۆری پەنجەکان مانایەکی زۆر تایبەتی ھەیە، چونکە سەری پەنجەی ھەموو مرۆڤێک بێوێنەیە و تەنھا تایبەتە بە خۆیەوە. ھەموو کەسێک کە لە ژیاندایە یان مردووە، کۆمەڵەیەکی جیاکراوەی مۆری سەری پەنجەکانیان ھەیە. 

ئەمەیە وادەکات مۆری سەری پەنجەکان بەڵگەیەکی قبوپەسەندکراو بێت لەسەر کەسێتی خاوەنەکەی، بەڵام لایەنی گرنگ ئەوەیە بابەتی مۆرەکان تا (سەدەی ١٩) ئاشکرا نەکرابوو... پێش ئەوە خەڵک سەیری مۆری سەری پەنجەکانیان دەکرد تەنھا وەک ئەوەی ژمارەیەک ھێڵی ئاسایین و ھیچ مانایەک یان گرنگیەکیان نییە. 

لە قورئاندا خوای گەورە ئاماژە بۆ مۆری سەر پەنجەکان دەکات لە کاتێکدا کە سەرنجی کەسی ڕانەکێشابوو، بەڵام قورئان بەر لە (١٤ سەدە)سەرنجی ئێمە بۆ بایەخی ئەم باسە ڕادەکێشێت.