ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
سێبه‌رى قه‌سیده‌ى (به‌حرى نور) ى ((پێغه‌مبه‌ر - ص)) سه‌ید ئه‌حمه‌دى نه‌قیب
خالد جاف- که‌رکوک
سه‌روه‌رى تۆ هه موو سه‌رده‌م صه‌له‌واتى له‌سه‌ر زمانه
هه‌موو ده‌مێ ئیمانداران گیانیان فیدا و به‌قوربانه
له‌به‌ر که‌سێتى به‌رزت که خو و ره‌وشتت قورئانه
(وصلى الله على) زاتێ که قورئانى (ثنا)خوانه
له جومله‌ى موعجیزاتى ئه‌وه‌ڵى ئایاتى سوبحانه
*******
به‌م گوناه و رووزه‌ردییه‌م که‌وا له نه‌فسى خۆم ده‌رکه‌وت
خودا مه‌ودا بدا جارێک له وه‌سفى ئه‌و که بۆم هه‌ڵکه‌وت
به‌ڵکو شه‌فاعه‌تى حوسنى له تاوانه‌کانم به‌رکه‌وت
به به‌درى چۆن بکه‌م ته‌شبیه که نورى مه‌ه له خۆر ده‌سکه‌وت
فه‌قه‌ت (فخر الرسل) فه‌یزى له نورى (حةيي مةننانة)
*******
هیچ چاوێک تێر نه‌بووه له ته‌ماشا و له سه‌یرانى
هیچ دڵێک نه‌ڕه‌نجاوه له گفت و وته و زمانى
هیچ ده‌ستێ شکست نه‌بووه له عه‌هد و وه‌عد و په‌یمانى
شه‌وى میعراجى وه‌ک سوبحى هیدایه‌ت پاک و نورانى
شه‌وێ بوو تا قیامه‌ت سه‌د هه‌زاران رۆژى قوربانه
*******
ئیمانێ چێوه‌یی دڵ بێت ته‌قوا چۆن نابێ به په‌رواز ؟!
توابێ له سیره‌ت و ژینى سه‌باتى چۆن ده‌بێ لاواز ؟!
له‌و قوتابخانه به‌رزه ده‌یان لێى ده‌رده‌چێ بانگخواز
له ته‌سبیحى حه‌صا و ره‌قصى شه‌جه‌ر هه‌م جومله‌یى ئیعجاز
ئه‌گه‌ر شه‌رحى بکا شاریح ده‌بێته سه‌د کتێبخانه
*******
هه‌تا زوبان نه‌کولێنێ وته‌ى خۆى چۆن ئه‌کار پاراو
هه‌تا دڵ ئه‌وینى ناخى نه‌نوێنێ به شه‌وقى گیرساو
چۆن به صه‌ڵه‌واتت ناگه‌ن زوبانى دڵى داماو
هه‌تا ناوى شه‌ریفت جیلوه به‌خشه بۆ دڵ و چاو
هه‌تا یادى ده‌کا ته‌فریحى هه‌رچى ئه‌هلى ئیمانه
*******
ئیلاهى خۆشه ویستى من بۆ پێغه‌مبه‌ر بکه قوربان
هۆگرى شارى (طيبه)م که ئه‌و ره‌وه‌م پێ بکه شایان
به لوتف و که‌ره‌مى به‌رزت به‌سه‌ریا بڕژێ وه‌ک باران
صه‌لات و هه‌م سه‌لامى بێ حیساب بێ حه‌دد و پایان
له‌سه‌ر فه‌خرى ئه‌رز و ئاسمان که‌وا ئه‌و به‌درى تابانه