ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
به‌رهه‌مى ناسینى خواى گه‌وره به ناوه جوانه‌کانى:
کاوان کوردى
ئاماده‌کردنى : دلاوه‌ر کوردى
ناسینى خواى گه‌وره به ناوه‌کانى, پێویستییه‌کانى حاشا هه‌ڵنه‌گره و چه‌ند به‌رهه‌مێکى به نرخیش لێ ده‌که‌وێته‌وه له‌وانه:
یه‌که‌م: هێنانه‌دى یه‌کخواپه‌رستى ڕاسته‌قینه به‌وه‌ى موسوڵمان خواست و هیواى نابه‌ستێته‌وه به غه‌یرى خواوه و له که‌سى تر ناترسێت و به‌ندایه‌تى بۆ که‌س ناکات ٠
دووه‌م: ئه‌گه‌ر موسوڵمان به چاکى په‌روه‌ردگارى بناسێت, غه‌یرى ئه‌ویش ده‌ناسێت, به‌ڵام که‌سێک خوا نه‌ناسێت, غه‌یرى خواش به راستى ناناسێت ٠
سێیه‌م: ناوه جوانه‌کانى خوا هه‌ریه‌که‌یان داخوازى جۆرێک له په‌رستنن, ئینجا هه‌رکه‌س گرنگى به هه‌ر ناوێکیان بدات په‌رستنى تایبه‌ت به‌و ناوه‌ى ده‌ستگیر ده‌بێت, بۆ نمونه کاتێک موسوڵمان بیر له ناوه‌کانى (القوي) واته(بةهيز) و(القهار) واته(زالَ) و (شديد القاب) واته تۆڵه توند)بکاته‌وه و لێیان تێ بگات ترسان له خوا, که جۆرێکه له په‌رستن دێته به‌رهه‌م و له دڵیدا جێگیر ده‌بێت ٠
چواره‌م: گومانى باش بردن به خوا که‌سێک زۆر توشى تاقى کردنه‌وه و به‌ڵا ببێت و ئاگاى له ناوى (الحكيم) واته کاربه‌جێ بێت و تێى بگات ناڕه‌زایى به‌رامبه‌ر به خواى گه‌وره ده‌ر نابڕێت و گومانى خراپى پێ نابات و وا بزانێت, که سته‌مى لێ ده‌کات ٠
پێنجه‌م: هه‌ریه‌ک له ناوه‌کانى خواى گه‌وره به‌رانبه‌ره له‌گه‌ڵ پێویستییه‌کى دنیایى یان قیامه‌تى موسوڵماندا, ئنجا هه‌رکه‌س پێویستییه‌کى هه‌بێت ده‌توانێت به‌و ناوه‌ى گونجاوه له‌گه‌ڵ پێویستییه‌که‌یدا له خواى گه‌وره بپاڕێته‌وه ٠