ماڵپەری قورئانی پیرۆز

نووسینی / سه‌روه‌ر حسن

نووسینگه‌ی ته‌فسیر

خوای گەورە لەقورئانی پیرۆزدا دەفەرموێت: {وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَڕيدِ (16)} [ق ] واتە: ھەر ئێمەین ئادەمیزادمان دروستکردووە و دەزانین چی بەدڵ و دەروونیدا دێ، و ئێمە لەشاڕەگی دڵی (حبل الورید) لێی نزیکترین.

بنەڕەتی وەسوەسە ئەو جوڵە یاخود دەنگە شاراوانەیە کە ھەستی پێناکرێت و خۆی لێ دەپارێزێت... بەزۆری وەسوەسەی دەروون (ئەو گفتوگۆ شاراوەیەیە کە لە دەرووندا ڕوودەدات و پەیوەندی ڕاستەوخۆی بە ژیری و بیرەوە ھەیە و دادەنرێ بەئامێری گێڕانەوەی خودی (جھاز استرجاع ذاتی) یەکێکە لە ڕووخسارەکانی سەنتەری ھۆشیاری.
لای ڕاڤەکارانی قورئان (حبل الورید) کە لە ئایەتەکەدا ھاتووە، بۆریەکی خوێنە لە تەنیشت قوڕگەوە، بەڵام بە وردبونەوە لەئایەتەکەی پێشوو دەبینین ئاماژە قورئانییەکان زیاتر ئەوەمان لەلا دروستدەکەن کە مەبەست لە (حبل الورید) قەدی مۆخـە (جژع الدماغ).
ئەگەر بگەڕێینەوە بۆ میانەی ئایەتەکە دەبینین فریشتەی ڕەحمان لە (حبل الورید) زیاتر لە مرۆڤ نزیکن... خوای گەورەش ئاگاداری وەسوەسەیە پێش دروستبوونی و پێش ئەوەی بگاتە قەدی مۆخ و بگۆڕرێ لە خاتیرەو بیرکردنەوەوە بۆ کردارێکی جوڵەیی. بۆیە خوای گەورە بەھۆی زانینەوە زۆر نزیکترە لە مرۆڤ لە ھۆشیاری و ھەست و ئاگادارییەکانیشی.
ئەمەش لە خۆیدا ئەو پەیوەندییە ئیعجازیەیە کە لەنێوان کرداری وەسوەسەو (حبل الورید) دا کە مەبەست لە قەدی مۆخە لەگەڵ ھەموو کردەوەکاندا ھەیە. ئەمە یەکێکی ترە لە جوانکاری و وردەکارییەکانی ئایەتەکە.