ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئاژەڵی خنکاو ....له قورئاندا
نووسینی/سه‌روه‌ر حسن
نووسینگه‌ی ته‌فسیر
لەم دواییانەدا پەیوەندی نێوان ئەو نەخۆشییانەی ئاژەڵی خنکاو ھەڵگریەتی لەگەڵ تەندروستی مرۆڤدا دۆزرایەوە. بەدرێژایی ژیانی ئاژەڵەکە دیواری ڕیخۆڵە ئەستوورەی ئاژەڵ وەک بەربەستێک کاردەکات لەبەردەم گوێزانەوەی میکرۆب لە ڕیخۆڵەوە (کە پاشەڕۆی تێدایە) بۆ لەشی ئاژەڵ و خوێنەکەی. دیواری ناوەوەی ئەم ڕیخۆڵانە ناھێڵن میکرۆب بۆ لەشی ئاژەڵەکە بگوێزرێتەوە، ھەروەک لەناو بۆرییە خوێنەکاندا دیوارێکی تر ھەیە ناھێڵێت میکرۆب بۆ خوێنی ئاژەڵەکە بگوێزرێتەوە.
کاتێک ئاژەڵێک دەخنکێت بەھێواشی مردار دەبێتەوە، مەترسی ئەم مرداربوونەوە ھێواشە لەوەدایە کە دیواری داپۆشەری ناوەوەی ڕیخۆڵە بە پلەبەندی بەرگرییەکەی وندەکات و بەمەش میکرۆبە زیانبەخشەکان دیواری ڕیخۆڵەکان دەبڕن و بەرەو خوێن و گۆشتی دەوروبەری دەچن. پاشان ئەم میکرۆبانە بەھۆی سوڕی خوێنەوە بۆ ھەموو بەشەکانی لەش دەگوێزرێنەوە، چونکە ھێشتا ئاژەڵەکە مردار نەبووەتەوە... ھەروەھا ئەم میکرۆبانە لە دیواری بۆرییەکانی خوێنەوە بۆ گۆشت دەچن بەھۆی کەمی بەرگری دیوارەکانی بۆرییەکانی خوێنەوە ئەمەش وادەکات وەک شوێنگەیەکی گەورەی ئەم میکرۆبانەی لێبێت. لەدواییدا ئەم میکرۆبە زۆربوانەش تەندروستی ئاژەڵەکە ھەتاکو مرداربوونەوەی بەتەواوی دەشێوێنن. مرداربوونەوەشی لەم حاڵەتەدا، واتە بوونی مەترسییەکی گەورە لە لەشی ئەم ئاژەڵە خنکاوەدا.