ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
کوڕ وەک کچ نییە! ...له قورئاندا
نووسینی/ سه‌روه‌ر حسن
نووسینگه‌ی ته‌فسیر
خوای گەورە لە چیرۆکی لەدایکبوونی مەریەمدا دەفەرموێت:{فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنْثَى وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالْأُنْثَى ...(36)} [آل عمران]، واتە: کاتێک (ھاوسەرەکەی عیمران) منداڵەکەی بوو (بە دڵشکاوییەوە) وتی: پەروەردگارا خۆ من کچم بوو، بێگومان خوا خۆی چاک دەزانێت کە چی بووە، (خۆ ئاشکرایە) کوڕیش وەکو کچ نییە.
١. زانای سویدی "دافید ئەنگمار" لەزانکۆی (Luna)ی سویدی ھەستا بە بەکارھێنانی گازی "زینون" کە لەخوێندا دەتوێتەوە و تیشکەکانی (گاما) بەرھەم دێنێت، کاتێک گازەکە بۆ مێشک دەگوێزرێتەوە و بەھۆی (٣٢) ھەستەوەری جێگیر بە لەشەوە وێنە دەگیرێت، لەئاکامدا بۆ زانایان ڕوون بووەوە کە بەشی ڕاستی مێشک لەنێردا چالاکتر کاردەکات، لەکاتێکدا کە بەشی چەپ لە مێیەدا چالاکتر کاردەکات... ئەوەش ھۆی سەرکەوتوویی پیاو لێکدەداتەوە لەبوارەکانی ماتماتیک و ئەندازیاری و بابەتە تیۆریەکاندا، لەکاتێکدا کە بەشی چەپ ھێزی بیستنی تێدا چڕبووەتەوە، ھەر بۆیە ئافرەت لە بوارە ئەدەبیەکاندا بەھێز و سەرکەوتووترە.
٢. پیاوان لە ئافرەتان باڵابەرزترن، جەستەی ئافرەتان تا تەمەنی (١٩ساڵی) گەشە دەکات، جەستەی پیاوان تا تەمەنی ٢٠ساڵان گەشەدەکات.
٣. خوێن، بڕی ھیمۆگلۆبین لە خوێنی ئافرەتدا (١٢-١٤گرام)ـە لەھەر (١٠٠ ملی لیتر)ێکدا. بڕی ھیمۆگلۆبین لە خوێنی پیاواندا (١٤-١٦گرام)ـە لەھەر (١٠٠ ملی لیتر)ێکدا.
٤. تێکڕای نیشتنی خوێن (ترسیب الدم) لەئافرەتاندا لە (سفر بۆ ٧ ملی مەتر)ـە، تێکڕای نیشتنی خوێن لە نێرەدا لەنێوان (سفر بۆ پێنج ملی مەتر)ـە، ئەم ڕێژەیە بۆ ئافرەتان لەکاتی سکپڕیاندا دەگۆڕێت.
٥. جیاوازی قەبارەی (سی) لە پیاو و ئافرەتدا، فراوانی زیندەگی (حیویە)ی سییەکان لای ئافرەتان (٤.٢سانتیمەتر سێجا)یە، بەڵام لە پیاواندا (٣.٢سانتیمەتر سێجا)یە.
٦. جیاوازی (RBC-Hb) دەگەڕێتەوە بۆ جیاوازی ھۆرمۆنی دەردراوی سەر گورچیلە، بەجۆرێک کە خانەکانی خوێن لەپیاواندا دەوروژێنێت و لەژنانیشدا دایدەبەزێنێت.
٧. ھەموو ڕۆژێک ئافرەت بە تێکڕای (٩ کوپ) ئاو وندەکات، پیاو ڕۆژانە (١٢ کوپ) ئاو وندەکات.
٨. لەکاتی منداڵبووندا ڕژێنی نوخامی ھەڵدەستێ بە دەردانی ھۆرمۆنێکی دیاریکراو، کاری ئەو ھۆرمۆنە بریتیە لە:
ڕ- ھێنانەوەیەکی (کرژکردنی) ماسولکەکانی منداڵدان لەکاتی منداڵبووندا.
ب- دەردانی شیر لە شیرە ڕژێنەکانەوە لەماوەی شیرپێداندا.
لەگەڵ چەندین جیاوازی تر لەنێوان پیاو و ژندا کە ڕاستێتی ئایەتەکە بە تەواوی بەدیار دەخات