ماڵپەری قورئانی پیرۆز

نووسینی/برهان نوح طه‌

كتێبخانه‌ی محوی

کابرایەکی دەشتەکی (ئه‌عرابی) ھاتە ناو شار چووە لای کابرایەکی خەڵکی شارەکە میوانی بوو. خاوەن ماڵەکە مریشکی زۆری ھەبوون، خێزانێک و دوو کوڕو دوو کچی ھەبوون. بە خێزانەکەی ووت: مریشکێکمان بۆ ببرژێنە با نیوەڕۆ بیخۆین.

دەڵێ دانیشتین پێکەوە لەسەر سفرەکە. ووتم: بە کابرای میوان تۆ ئەو مریشکەمان بۆ دابەش بکە. ووتی: ئاخر نازانم وازم لێ بێنە لە دابەش کردن زیرەک نیم. ووتی: دەبێ ھەر دابەشی بکەیت. ووتی: باشە بەڵام دەبێ ڕازی بن بەم بەش کردنە. باشە ڕازی دەبین.
دەڵێ مریشکی ھێنا سەرەکەی لێ قرتاند ووتی: سەر بۆ سەرۆک لە پێش خاوەن ماڵی دانا. باڵەکانی دا بە کچەکان یەکەء یەک. قاچەکان و ڕانەکان بۆ کوڕەکان. قوونە جۆرەش بۆ پیرەژن. سینگ و پشتی بۆ خۆی دانا ووتی: ئەوەش بۆ میوان. خاوەن مالڕ ووتی: ئافرەت ئێمەی بەزاند، بەیانی پێنج مریشک ئامادە بکە. ئینجا خاوەن مال و ووتی بەکابرا: دەی ئەو جارە بۆمان بەش بکە. ووتی: بە تاک یان بە جووت؟ خاوەن مالی ووتی: بە تاک. کابرا ووتی: خۆت و خێزانەکەت لەگەڵ مریشکێک ئەوە سێ، دوو کوڕەکەتء مریشکێک ئەوەش سێ، دوو کچەکەت و مریشکێک ئەوەش سێ. دوو مریشک زیاد بوون (مانەوە) ووتی: من و ئەو دوو مریشکەش سێ. دوو مریشکەکەی بۆ خۆی دانان. ووتی: دەڵێی پێتان خۆش نەبوو بەم جۆرە دابەش کردنە. خاوەن مالڕ ووتی: بە جووت بۆمان بەش بکە. ووتی: باشە. خۆت و دوو کوڕەکەت لەگەڵ مریشکێک چوار، مریشکێکی بۆ دانان. وە ئافرەتەکەو دوو کچەکەی لەگەلڕ مریشکێک ئەوە چوار. مریشکێکی بۆ دانان. سێ دانە مریشک مانەوە ووتی منء ئەو سێ مریشکە ئەوە چوار، ھەرسێکی بۆ خۆی دانان. ئینجا ووتی: سوپاس بۆ خوا تۆ فێری ئەو شتەت کردم کە بەم شێوەیە دابەش بکەم.