ماڵپەری قورئانی پیرۆز

نووسینی /هارون نوح طه‌

كتێبخانه‌ی محوی

ڕاوچیێک بەیانی زوو دەرچوو لە ماڵەوە بە مەبەستی ڕاوە ماسی داوای ڕزقێکی حەڵاڵی دەکرد. تۆڕەکەی خستە نێو ئاو بەڵام ھیچی بۆ دەرنەھات. دەستی بەرز کردەوە بۆ لای خوا، منداڵەکانیشی لە ماڵێ لە برسان ھاواریان دەکرد. نزیک بوو ڕۆژ ئاوا ببێ. خوای گەورە ماسیێکی گەورەی دایێَ. ئەویش سوپاسی خوای کرد، ھەڵیگرت بە دڵخۆشیەوە بۆ ماڵێ. لەولاوە پادشا ھات بۆ سەیرانء خۆشی، زانی کە ئەم ڕاوچی یە چی پێ یە، بانگی کرد

ووتی: ماسیێکی چەند گەورەیە. بەزۆر لێی وەرگرت، ئەویش بە دەست بە تاڵی گەڕایەوە ماڵێ. پادشا چووە کۆشکی خۆی، ویستی بە دڵخۆشی بچێتە لای شاە ژن کە ماسیەکەی لە نێو زەمبیلەکە ھێنایە دەر یەکسەر خۆی بۆ پادشا فڕێ داو گەزەیەکی توندی لە دەستی پادشا دا. ئەم شەوە تاکو بەیانی خەوی نەبوو لەبەر ئازاری گەزەکەی ماسی. پزیشکەکانء حەکیمەکان کۆبوونەوە، ووتیان دەبێ پەنجەی ببڕێتەوە، بەڵام ھەر نەحەسایەوە چونکە ژەھرەکەی چوو بووە نێو دەمارەکانی دەستی، پزیشکەکان ووتیان دەبێ دەستی ببڕێتەوە. پاشان ئارامی تەواو ھەڵگیرا، ووتیان دەبێ باسکی ببڕێتەوە. ئینجا کەمێ ئازاری نەما، بەڵام دڵی خۆش نەبوو. بەردەوام دڵی توند دەبوو. ووتیان دەبێ بچیتە لای پیاوێکی شارەزا لە نەخۆشیەکانی دلڕ. ئەویش چوو. بەسەرھاتی ماسی بۆ حەکیم گێڕایەوە.
ووتی: تۆ ھێور نابیتەوە تاکو ئەم ڕاوچیە لێت خۆش نەبێ. پادشا گەڕا بە دوای ڕاوچی تاکو دۆزیەوە. داوای لێ بووردنی لێ کرد. ئەویش لێی بووری. پادشا ووتی: چیت ووت سەبارەت بە من؟ ڕاوچی ووتی: ھیچم نەوت تەنھا ئەوەندە نەبێ ووتم: (اللھم إنَّە ڤھر لی قوتِە فڕرنی فیە قُدرَتِک) واتە: ئەی خوایە ئەم پیاوە ھێزو توانای خۆی بۆم دەرخست، تۆ ش ھێزو توانای خۆت بۆ من دەرخە لەسەری.