ماڵپەری قورئانی پیرۆز

نووسینی/سه‌روه‌ر حسن

نووسینگه‌ی ته‌فسیر

ئئەو خۆراکانەی مرۆڤ پێویستی پێیانە، ئەمانەن:
١. خۆراکە پێکھێنەرەکان (پرۆتینی ڕووەکی و گیانەوەریی).
٢. خۆراک بۆ وزە (کاربۆھێدرات و چەوری).
٣. خۆراک بۆ پارێزگاری (ڤیتامینەکان و توخمە کانزاییەکان).
چۆن قورئانی پیرۆز باس لە خۆراک و ژێنەرەکان دەکات؟

ڕابمێنە لە وتەی خوایی{أَنَّا صَبَبْنَا الْمَاءَ صَبًّا (25) ثُمَّ شَقَقْنَا الْأَرْضَ شَقًّا (26) فَأَنْبَتْنَا فِيهَا حَبًّا (27) وَعِنَبًا وَقَضْبًا (28) وَزَيْتُونًا وَنَخْلًا (29) وَحَدَائِقَ غُلْبًا (30) وَفَاكِهَةً وَأَبًّا (31) مَتَاعًا لَكُمْ وَلِأَنْعَامِكُمْ (32)} [عبس]، واتە: بێگومان ئێمە ئاومان باراندووەتە خوارەوە، چۆن دابارینێک، لەوەودوا زەویمان بۆ لەت لەت کرد بە چەکەرەی ناسکی ڕووەک. ئینجا دانەوێڵەمان تێدا ڕواند. ھەروەھا ترێ و سەوزە. زەیتون و دارخورمایش. باخچەی دەورەدراو بە دارخورما یان داری تر، یاخود باخی چڕ و پڕ، چەندین جۆر میوە، ھاوڕێ لەگەڵ ھەموو ئەو گژوگیایانەی کە خواکردە و ماڵات دەیخوات لە لەوەڕگاکاندا. (ھەموو ئەمانەمان ئامادە کردووە) تا خۆتان و ماڵاتەکانتان سوودی لێوەربگرن.
ئەم ئایەتانە زۆرینەی ئەوانە کۆدەکاتەوە کە مرۆڤ دەیانخوات، پاکوبێگەردی بۆ خوای مەزن.