ماڵپەری قورئانی پیرۆز

نوسینگه‌ی ته‌فسیر ..نووسـینی: د.صلاح عبدالفتاح الخالدی   وه‌رگـێرانی: كـاوه‌ هاوراز
قورئان ژماره‌یه‌كی زۆری چیرۆكی پێشینه‌كان له‌ پێغه‌مبه‌ران‌و غه‌یری پێغه‌مبه‌رانی بۆ گێڕاوینه‌ته‌وه‌ كه‌ هه‌ندێكیان له‌ چیرۆكی باوه‌ڕدارانن‌و، هه‌ندێكی تریشیان له‌ چیرۆكی بێ‌باوه‌ڕانن.

هه‌روه‌ها باسی ئه‌و چیرۆكانه‌ی بۆ كردووین‌و حیكمه‌ت له‌ هێنانه‌وه‌و گێڕانه‌وه‌یشیان بۆ دیاری كردووین، له‌گه‌ڵا دیاریكردنی ئه‌و سودانه‌ی پیشان داوین‌و ئه‌و جێگایانه‌ی په‌ند‌و عیبره‌تیان تیادایه‌‌و، پاشان به‌رنامه‌ی لێتێگه‌یشتن‌و لێبوردبوونه‌وه‌و چۆنیه‌تی مامه‌ڵه‌ له‌ گه‌ڵیاندا.
ئێمه‌ لێره‌دا هه‌ڵوێسته‌یه‌كی خێرا له‌ئاست قورئان‌و چیرۆكه‌كانیدا ده‌كه‌ین، تاكو رێ‌خۆشكارییه‌ك بێت بۆ باس‌و خواسمان له‌مه‌ڕ چیرۆكی پێشینه‌كان له‌ قورئان داو، ده‌روازه‌یه‌كی سه‌وداكاریش له‌گه‌ڵا خودی چیرۆكه‌كان دا بێت.