ماڵپەری قورئانی پیرۆز

نووسینی /هارون نوح طه‌ كتێبخانه‌ی محوی

سعیدی کوڕی عەڕوبە دەڵێ: ساڵێک حجاجی کوڕی یوسفی سەقەفی چووە حەج. لەسەر ئاوێک دابەزی لەنێوان مەککەو مەدینەدا. فەرمانی کرد بە خزمەتکارەکانی کە سفرەو خوانێکی نانی بۆ ئامادە بکرێت. ئینجا بانگی پاسەوانێکی کرد.

ووتی: بزانە کەس لەم ناوەیە نییە، بێت لە گەڵمان نان بخواتء ھەندێ پرسیاریشی لێ بکەم؟ پاسەوانەکەش سەیری چیایەکی کرد بینی پیاوێکی ئەعرابی خۆی حەشار داوە لە نێو ھەندێ پارچەی چنراولە موو، وە خەویشی لێ کەوتبوو. پاسەوانەکەش شووتێکی تێ ھەڵدا ووتی: ھەڵسە ئەمیر بانگت دەکات. ئەویش چووە لای ووتی: دەستت بشۆ وەرە لەگەڵم نان بخۆ.
ئەعرابی ووتی: کەسێک بانگی کردووم کە لە تۆ باشترە منیش وەڵامم دایەوە. حجاج ووتی: ئەم کەسە کێیە؟ ووتی: خوای گەورەو باڵا دەستە. بانگی کردم کە بە ڕۆژوو ببم منیش بە ڕۆژوو بووم. حجاج ووتی: بەم گەرمایە بەھێزە؟ ووتی: بەڵێ، گەرمای ئەو دیو بەھێز ترە. حجاج ووتی: دەوەرە نان بخۆ بەیانی بەڕۆژوو ببە. ووتی: باشە تۆ زامنی من دەکەیت کە تاکو بەیانی من بمێنم؟ حجاج ووتی: ئەوە پەیوەندی بە منەوە نییە. ووتی: کەواتە بۆ داوای حازرێکم لێ دەکەیت بە قەرز کە توانای داناوەت نییە. حجاج ووتی: ئاخر خواردنەکە خۆشە. ووتی: نە تۆ خۆشت کردووە نە خزمەتکارەکەشت بەڵکو لەش ساغی و عافیەت خۆشی کردووە