ماڵپەری قورئانی پیرۆز

نووسینى/ناصح ابراهیم سازانى
   چاکترین شوێن له‌سه‌ر زه‌ویدا مزگه‌وته‌, جا بۆیه‌ موسڵمانان تابۆیان ده‌کرێ هاتوچۆى مزگه‌وت بکه‌ن و تیایا بمێننه‌وه‌ به‌بێ ده‌نگى و, رێزى مزگه‌وت بگرن و خۆیان و مزگه‌وته‌که‌یش به‌پاک و خاوێنى راگرن.
    * ئه‌بو هوره‌یره‌ ره‌زاى خواى لێ بێ فه‌رمووى: پێغه‌مبه‌رى خوا صلى الله علیه‌ وسلم فه‌رموویه‌تى: (الْمَلاَئِكَةُ تُصَلِّى عَلَى أَحَدِكُمْ مَا دَامَ فِى مُصَلاَّهُ مَا لَمْ يُحْدِثْ اللَّهُمَّ اغْفِرْ لَهُ, اللَّهُمَّ ارْحَمْهُ. لاَ يَزَالُ أَحَدُكُمْ فِى صَلاَةٍ مَا دَامَتِ الصَّلاَةُ تَحْبِسُهُ, لاَ يَمْنَعُهُ أَنْ يَنْقَلِبَ إِلَى أَهْلِهِ إِلاَّ الصَّلاَةُ) . واته‌: به‌رده‌وام مه‌لائیکه‌ سلآوات له‌سه‌ر که‌سێک ده‌ده‌ن هه‌تا له‌ شوێنى نوێژه‌که‌ى بمێنێته‌وه‌ و ده‌ستنوێژى هه‌بێت, ده‌ڵێن خودایه‌ لێى خۆشبه‌, خودایه‌ ره‌حمى پێ بکه‌, به‌رده‌وام به‌ نوێژ بۆى حسابه‌ ماده‌م چاوه‌ڕوانى نوێژ ده‌کات. ته‌نها نوێژ رێگرى ئه‌وه‌ى لێکردووه‌ که‌ ناگه‌ڕێته‌وه‌ بۆ ناو که‌س و کارى.
   * پێغه‌مبه‌رى خوا صلى الله علیه‌ وسلم ده‌فه‌رموێت: (المَسجِدُ بَيتُ كُلِّ تَقَىٍّ) . مزگه‌وت ماڵى هه‌موو خاوه‌ن ته‌قوایه‌که‌, خانه‌ولانه‌ى له‌ خواترسانه‌.
پێشه‌وا عه‌لى ره‌زاى خواى لێ بێ فه‌رمویه‌تى: ئیماندار کاتێک رۆحى ده‌رده‌چێت جێگا نوێژه‌که‌ى و ئه‌و مه‌لائیکانه‌ى کرده‌وه‌ چاکه‌کانى سه‌رده‌خه‌ن بۆ ئاسمان بۆی ده‌گرین) .