ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
تێگه‌یشتن له نوێژ
نووسینى/ناصح ابراهیم سازانى
بێگومان ده‌بێ ئه‌وه بزانین که نوێژ گه‌وره‌ترین په‌رستشه, ئێمه‌ش ته‌نها بۆ عیباده‌ت به‌دى هێنراوین, بۆیه پێویسته به خۆشه‌ویستیه‌وه له نوێژه‌کانمان بڕوانین و به تێگیشتن و به رۆحیه‌تێکى باش و شه‌وق و زه‌وقه‌وه ئه‌نجامیان بده‌ین, نه‌ک هه‌روه‌ک ئاهه‌نگ و بۆنه‌کان چۆن به‌ڕێ ده‌که‌ین ئاواش نوێژه‌کان به‌ڕێ بکه‌ین و ته‌واو.
خواى گه‌وره ده‌فه‌رموێت:وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ الذاریات: ٥٦ . واته: من هه‌ر بۆیه جنۆکه‌و ئاده‌میم دروستکردووه بم ناسن و بم په‌رستن.
گه‌ڕان و هه‌وڵدان به دواى زانستى شه‌رعیدا هۆکارن بۆ به‌خته‌وه‌رى مرۆڤـ له ژیانى دونیاو دوا ڕۆژدا، ئه‌و که‌سانه‌ى که شه‌رع ناس و شاره‌زاو زانان له شه‌رعدا زیاتر له خواى گه‌وره ده‌ترسن و پله و پایه‌یان له که‌سانى ترو له ئیمانداران بڵندتره له لاى خواى گه‌وره.
خواى گه‌وره ده‌فه‌رموێت: إِنَّمَا يَخْشَى اللَّـهَ مِنْ عِبَادِهِ الْعُلَمَاءُ فاطر: ٢٨. واته: ته‌نها به‌نده شه‌رع زانه‌کان له خوا ده‌ترسن.
هه‌روه‌ها ده‌فه‌رموێت: قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗ إِنَّمَا يَتَذَكَّرُ أُولُو الْأَلْبَابِ الزمر: ٩. واته: ئه‌ى پێغه‌مبه‌ر! بڵێ: ئایا ئه‌وانه‌ى ده‌زانن یه‌کسانن له‌گه‌ڵ ئه‌وانه‌ى که نازانن؟. له راستیدا نه‌خێر.
له‌باره‌ى پله‌ى به‌رز و فه‌زڵی زاناوه ده‌فه‌رموێت: يَرْ‌فَعِ اللَّـهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَ‌جَاتٍ المجادله: ١١. واته: خوا پله‌ى ئیمانداران له ئێوه و ئه‌وانه‌ى زانستى شه‌رعیان پێدراوه به‌رز ده‌کاته‌وه.