ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
دوعای خراپ له هیچ كه‌سێ مه‌كه(چیرۆك)
نووسینی/هارون نوح طه كتێبخانه‌ی محوی ڕۆژێک شێخ معروفی کەرخی لەگەڵ کۆمەڵە ھاوڕێیەکی دەچنە قەراخ دیجلە دەبینن وا کۆمەڵە گەنجێک لەسەر ئاوی دیجلە دانیشتوون خەریکی کەیفء خۆشی بوون،
عەرەقیان دەخواردەوە. ھەموو جۆرە کەیفێکیان دەردەبڕی لەو شوێنە. یەکێ لە ھاوڕێیەکانی (شێخ معروف) ووتی: قوربان بۆچی دوعایەکیان لێ ناکەیت بەڵکو خوای گەورە ھەموویان لەناو ببات ئێمەش با بەر غەزەبی گوناھی ئەوان نەکەوین.
شێخ معروف فەرموی: باشە ھەمووتان دەست نوێژێ ھەڵگرن با بە کۆمەلڕ دوعا بکەین من دوعا دەکەم ئێوە بڵێن ئامین. ووتیان: باشە. دەڵێ شێخ معروف دەستی خۆی بەرز کردەوە فەرموی ئەی خوایە چۆن ژیانی ئەو گەنجانەت لە دونیادا خۆش کردووە ئەوھا بە ئاسودەیی ئەژینء خەمی ھیچیان نییە ئەوھاش لە قیامەت حاڵء ژیانیان خۆش بکەیتء بێ خەمء خەفەت بن. ھەموویان ووتیان: ئامین. بەڵام بەدڵیان نەبوو بڕیار وا نەبوو ئەوھا بڵێ. لە پاشان ڕوویان کردە شێخ معروف ووتیان بۆچی بەم شێوەیە ئەم دوعایەت کرد؟ ووتی: تۆزێ سەبرتان بێ ئێستا تێدەگەن. دەڵێ گەنجەکان کە شێخ معروفیان بینی سەیریان کرد دڵیان تەواو گۆڕا حاڵیان تێک چوو. وازیان لە عەرەقء کەیفء سەیفەکە ھێنا، شتەکانیان فڕێ داو ھاتنە لای شێخ تۆبەیان کرد لەسەر دەستی ئەو.