ماڵپەری قورئانی پیرۆز

مووسینی/هارون نوح طه‌// كتێبخانه‌ی محوی ڕیوایەت کراوە پیرێژنێکی ھەژار خانووێکی بچووکی دروست کردبوو بۆ خۆی لە شوێنێکی چۆلایی و بەتالی. یەکێ لە پادشایەکان ھات کۆشکێکی گەورەو زەبەلاحی دروست کرد لە تەنیشت خانووی پیرەژن.

ڕۆژێک پادشا ھاتە دەرەوەی کۆشکەکەی سەیری کرد زۆری پێ جوانء ڕێکء پێک بوو. بەڵام ئەم خانووە قوڕینەی بینی ووتی: ئەوە ھی کێ یە؟ خزمەتکارێکی ووتی: قوربان ئەوە ھی پیرەژنێکە. ووتی: دەزانن دیمەنی کۆشکی منی شێواندووەو ناشیرینی کردووە. ووتیان: بەڵێ خاوەن شکۆ وایە.
فەرمانی کرد کە دەبێ بە زووترین کات ئەم خانووە بڕووخێنن، نابێ لە تەنیشت کۆشکی من بێت. دەڵێ دەست لەسەر سینگەکانی پادشا بە زووترین کات ھێلانەی پیرەژنیان تێکدا کە دەمێک بوو لە مالڕ نەبوو. ئینجا پیرەژن ھاتەوە کە بینی ماڵی وێران بوو. ووتی: کێ وای لێ کردووە؟ ووتیان: پادشا. ووتی: بۆچی؟ ووتیان: لەبەر ئەوەی دیمەنی کۆشکی پادشای ناشیرین کردبوو. پیرەژن ووتی: بەڕاستی (ئەی خوایە من لێرە نەبووم کە ئەم ستەمەم لێ کرا ئەدی تۆ لە کوێ بوویت ئەی خوایە) دەڵێ خوای گەورە کۆشکی پادشای سەراوژێر کرد بەسەر ئەو کەسانەی کە تێیدا بوون