ماڵپەری قورئانی پیرۆز

نووسینی/هارون نوح طه‌// كتێبخانه‌ی محوی  خوای گەورە دەفەرموێ: [ۆمَا مِن دَآبَّەٍ فِی الڕَرْچِ إِلاَّ عَڵی اللّەِ ڕزْقُەَا ۆێعْڵمُ مُسْتَقَرَّەَا ۆمُسْتَوْدَعَەَا کُلٌّ فِی کِتَابٍ مُّبِینٍ] (ھود/ ٦). واتە: ھەر گیان لەبەرێک لەسەر پشتی زەوی بڕوات ڕۆزی لەسەر خوایە ئەو دەزانێ شوێنی حەوانەوەو شوێنی ڕۆزیەکەی ھەمووی لە پەڕاوی ڕوون کراوەتەوە لەلای خوا...

(تەنوخی) دەڵێ: پیاوێک ژیانی زۆر تەسک بوو دەستی کورت بوو نەیدەزانی ڕوو لە کوێ بکات بۆ پێداویستی ژیان. تەنانەت ھەموو دەرگای ژیانیان لەسەر داخسترابوون. دەڵێ ڕۆژێک لە ماڵ دەرچووم بە برسێتی بەڵام سودی نەبوو ھیچم بۆ نەکرا، دووەم ڕۆژ چوومە ماڵی ئافرەتێکی خزمی نزیکم. ھەواڵەکەم پێ گەیاند، ووتی بەخوا ئێمەش ھیچمان نییە، تەنھا ئەو ماسیە نەبێ ئەویش بۆگەنی بووە بەکەڵکی خواردن نایە. ووتی: بێنە دەیبەم. خەریکە ھەموومان لە برسان دەمرین. ماسیەکەم بە پەلە بردەوە، سکی ماسیمان دڕاند بۆ ئەوەی بیبرژێنین، بینیم ناو سکی پڕە لە لۆلۆو گەوھەری ناو دەریا. ھەڵسام بە پەلە بردم بۆ بازاڕ بە ھەزاران دینارم فرۆشت. ئینجا ھەواڵەکەم گەیاندە خزمەکەم ووتی: دەبێ تۆش بەشی خۆت بەری، ووتی: من تەنھا پارەی ماسیەکە دەبەم زیاترم ناوێ. چونکە من ماسیم داوە بە تۆ نەک گەوھەر. ئینجا ماڵی خۆم تەواو پێی ئاوەدان کردەوە لە خۆراکء کەلء پەلی ناو ماڵ. ژیانم کەوتە ئەوپەڕی خۆشیء شادی، ئەمەش سۆزو بەزەیی خوا بوو لەگەڵی کردم، جگە لە ئەو کەسی تر نەیکرد، سوپاس بۆ خوا.