ماڵپەری قورئانی پیرۆز

نووسینی/هارون نوح طه‌   كتێبخانه‌ی محوی// ئافرەتێکی موسڵمانی خوا پەرستی ڕاستگۆ ئەم ڕووداوەمان بۆ دەگێڕێتەوە. دەڵێ: پیاوەکەم لە مالێ نەبوو، کچەکەم زۆر نەخۆش بوو. کەس نەبوو یارمەتیمان بدات کە بیبەم بۆ لای دکتۆر، تەنانەت پارەشمان نەبوو.

منیش بە ناچاری لە تەنیشتی دانیشتم ھەر دەگریام، چونکە بە برسێتی خەوی لێ دەکەوت. نەمدەزانی چۆن دکتۆری بۆ بێنم. دەڵێ: ھەر پەنام دەبرد بۆ لای خوا بە دلێ ھاوارم دەکرد. کاتژمێر دووی شەو یەکێ لە دەرگای دا ووتم کێیە بەم شەوە لە دەرگا دەدا؟ ووتی: پزیشک. منیش دەرگایەکەم کردەوە دوای ئەوەی کە خۆم داپۆشت. باوکیشم لە تەنیشتم ڕاوەستاوە، وە لەم کاتەشدا دەترسام. یەکسەر دکتۆر بە ژوورێ کەوت، خۆی و جانتایەکەی. ووتی: کوا کچەکەتان لە کوێ یە؟
ووتم: ئەوەتا لێرەیە. چووە لای سەرچەفەکەی لەسەر لادا. ھەندێ دەرمانی بۆ دانا چارەسەری کرد، ئینجا ووتی: کرێیەکەم. منیش ووتم: کرێی چی؟ ھیچمان نییە. پزیشک ووتی: ئێوە شەرم ناکەن بەم شەوە تەلەفۆن بۆ من دەکەن خەوم دەزڕێنن ئینجا پارەم نادەنێ؟ ووتی: بە گریانەوە بەخوا من تەلەفۆنم بۆ نەکردی، لە ماڵمان تەلەفۆن ھەر نییە. ووتی: بۆ ئەوە ماڵی فڵان نییە؟ ووتم: نەخێر، ئەوە ماڵی دراوسێیەکەمانە ئەو لە تەنیشتمانە. پزیشک سەری سوڕما ووتی: ئێوە لە چ حاڵێک دان. منیش ھەواڵەکەم پێ گەیاند. ئینجا ووتی: دیارە بە ھەڵە ھاتووم. بەڵام چوو دەرمانی خواردنی ھێنا بۆ من و کچەکەم ئینجا ڕۆیشت