ماڵپەری قورئانی پیرۆز

نووسینی/هارون نوح طه‌ /كتێبخانه‌ی محوی ///جارێک ژن و مێردێک دێنە لای ئیمامی عمر (ڕەزای خوای لێ بێت) بۆ چارەسەر کردنی کێشەیەک لە نێوانیان. ئیمامی عمر فەرموی: دوو کەسم بۆ بانگ بکەن یەکیان خزمی پیاوەکە، ئەویتر خزمی ژنەکە.

پێی ووتن: وەرن تێبگەن کە ئەم ژن و مێردە چ گرفتیان ھەیە چارەی بکەن نێوانیان ڕێک بکەنەوە. ئینجا بە ڕێی کردن بۆ ماڵێ. دوای ماوەیەک ھەردوو خزمەکە ھاتنەوە لای ئیمامی عمر، ووتیان: زۆر ھەوڵمان دا، بەڵام سودی نەبوو، ھیچمان بۆ نەکرا. ئیمامی عمر دەستی دایە دارێک تێرء پڕی لێ دان. ووتیان: ئەی امیر المۆمنین ئێمە چ تاوانمان ھەیە؟
ووتی: تاوانباری گەورە ئێوەن دیارە نیەتتان پاک نەبوە، حەزتان نەکردووە ئەم ژن و مێردە ئاشت ببنەوە، چونکە خوا دەفەرموێ: [إن یُریدا إێلاحاً یوفِق اللەُ بَیْنَەُما إنَّ اللەَ کانَ عَلیماً خبیرا] واتە: ئەگەر ئەم دوو خزمە لە ھەردوو تەڕەف مەبەستیان چاک کردنەوەی نێوان ئەم دوو کەسە بێ نیەتیان پاک بێ، ئەوە خوای گەورە چاکیان دەکاتەوە. بەڵام ئێوە نیەتی خۆتان پاک نەکردوە، بۆیە ھیچ سودی نەبوو. وە ئامۆژگاریەکانتان کاریگەری نەبووە بۆ ئەم ژن و مێردە