ماڵپەری قورئانی پیرۆز

نووسینی/هارون نوح طه‌ /كتێبخانه‌ی محوی ///ئافرەتێکی جوان و شۆخ و شەنگ ھەبوو. خەڵکەکە پێی ووت: خۆت بۆ – ربیع ی کوڕی خثیم بڕازێنەوە. ئێمەش ھەزار درھەمت پێ دەدەین. ئافرەت ھەڵسا جوانترین بەرگی پۆشی، خۆشترین بۆنی لە خۆی دا.

ئینجا چووە سەر ڕێگای (ربیع) کە لە مزگەوت دەھاتە دەرێ . ربیع سەیری کرد زۆری بەلاوە سەیر بوو، بەم شێوازە. بۆیە چووە لای ئافرەتەکە سفور بوو. پێی ووت: چۆنە ئەگەر ئێستا تووشی گرانە تایەک ببیت ئەو جوانی و بۆن خۆشی و شۆخ و شەنگییە بە لاشەتەوە نەمێنێ. یان چ دەکەیت کە لە ناکاو فریشتەی گیان کێشان بێتە لات دەماری ملت بگرێ و گیانت بکێشێ، یان فریشتەکانی – نکیر و منکر – پرسیارت لێ بکەن چیان وەڵام دەدەیتەوە؟ دەڵێ ئەم ئافرەتە یەک ھاواری کرد یەکسەر لە ھۆش خۆی چوو. سوێند بە خوا کە بە ھۆش خۆی ھاتەوە، خواپەرستیێکی وای کرد تا کاتی مردنی وەکو داری سوتاوی لێ ھاتبوو.