ماڵپەری قورئانی پیرۆز

نووسینی /هارون نوح طه‌/ كتێبخانه‌ی محوی///سەھلی جەبەلی دەڵێ: لە لای إبراھیم ی کوڕی شیبان بووم. پرسیاریان لێی کرد سەبارەت بە پیاوی خوا ناس. ووتی سەردەمێک لەسەر کێوی گوور بوم لەگەلی شێخ ابو عبداللە ی مغربی.

نزیکەی حەفتا پیاومان لەگەلی بوون. لە ناکاو گەنجێکی خوا پەرست ھات کە شوێنەواری ملکەچی پێوە دیار بوو، ھەر کاتێ نوێژمان دەکرد لەگەڵمان ھەڵدەستا نوێژی دەکرد. ھەر کاتێ باسی زانست و زانیاریمان دەکرد واتە کۆڕی زیکرمان دەبەست ئەویش دەھاتە مەجلیسەکە دادەنیشت.
ڕۆژێک ئەوھا دانیشتبووین باسی خوامان دەکردو کۆڕمان بەستبوو لە ژێر دارێک کە دەوروبەری ھەموو گیا و سەوزایی بوو کە وەرزی بەھار بوو. ئینجا شێخ ابی عبداللە باسی زانستی خواناسی بۆ کردین. بینیم گەنجەکە ھەناسەی ھەڵدەکێشا لەگەلڕ ھەناسەکەی گیاو سەوزایی دەوروبەری ھەمووی دەسووتا. ئینجا ڕۆیشت وون بوو لە لامان پاشان چاوم پێی نەکەوتەوە. شێخ فەرموی: ئەوە خواناسینە ئەوەش ناونیشانەکەیەتی