ماڵپەری قورئانی پیرۆز

نووسینی /هارون نوح طه‌ /كتێبخانه‌ی محوی ////ابو نُجَیْد. عمران ی کوڕی حێین دەفەرموێ: ئافرەتێک ھاتە لای پێغەمبەر (درودی خوای لەسەر بێت) دوو گیان بوو لە زینا. ووتی: یا رسول اللە زینام کردووە شایەنی دارکاریمە (الحد) دارکاریم بکە.

پێغەمبەر (درودی خوای لەسەر بێت) بانگی گەورەکەی کرد فەرموی چاک بە لەگەڵی کە کۆرپەکەی دانا با بێتەوە لام. کە کۆرپەکەی دانا ھاتەوە لای پێغەمبەر (درودی خوای لەسەر بێت) عەبایەکەی خۆی بەسەر دەمء چاوی داھێنا ئینجا ڕەجم کرا تاکو مرد. پاشان پێغەمبەر (درودی خوای لەسەر بێت) نوێژی لەسەر کرد. ئیمامی عمر فەرموی: یا رسول اللە چۆن نوێژی لەسەر دەکەیت کەچی زینای کردووە؟!
پێغەمبەر (درودی خوای لەسەر بێت) فەرموی: ئەی عمر ئەم ئافرەتە تۆبەیەکی وای کرد ئەگەر بەسەر حەفتا کەس لە خەڵکی مەدینە دابەش بکەیت بەشی ھەموویان دەکات. چی لەوە گەورەترە کە کەسێک بەخۆی بێت گیانی خۆی تەسلیم بکات بە خوا