ماڵپەری قورئانی پیرۆز

نووسینى/ناصح ابراهیم سازانى
 ١ـ شه‌ونوێژ ده‌بێته‌ هۆى که‌م ده‌ردانى هۆرمۆنىAcTH, که‌ئه‌ویش ده‌بێته‌ هۆى پاراستنى زیادبوونى کتوپڕى شه‌کره‌ له‌خوێندا, که‌مه‌ترسیداره‌ بۆ ئه‌وانه‌ى نه‌خۆشى شه‌کره‌یان هه‌یه‌.
 ٢ـ زیادبوونى له‌پڕى فشارى خوێن که‌مده‌کاته‌وه‌ و مرۆڤ ده‌پارێزێت له‌ سه‌کته‌ى ده‌ماخ و جه‌ڵته‌ى دڵ.
 ٣ـ ده‌بێته‌ هۆى که‌مبوونه‌وه‌ى مه‌ترسى خوێن مه‌ین له‌ ده‌ماره‌کانى شه‌به‌که‌ى چاو, که‌ ئه‌ویش له‌ ئه‌نجامى له‌سه‌رخۆ هات و چۆکردنى خوێنه‌وه‌ رووده‌دات له‌کاتى خه‌وتندا, چونکه‌ مرۆڤى خه‌وتو له‌و ماوه‌یه‌دا شله‌مه‌نى ناخوات.
٤ـ ده‌بێته‌ هۆى چاک بوونى حاڵه‌تى هه‌وکردنى جومگه‌ جیاوازه‌کان جا هه‌وکردنى رۆماتیزمه‌ بێ یا جگه‌ له‌ رۆماتیزم, له‌ئه‌نجامى شێلانى شوێنه‌کانى ده‌ستنوێژ و ئه‌و جولآنه‌ى که‌ له‌شه‌ونوێژدا ده‌کرێ.
  ٥ـ ده‌بێته‌ هۆى که‌مبوونه‌وه‌ى چه‌ورى که‌ڵه‌که‌بوو له‌ناو خوێندا به‌تایبه‌تى له‌دواى ئه‌و ژه‌مانه‌ى که‌چه‌ورییان زۆر تێدایه‌, که‌ئه‌وه‌ش ده‌بێته‌ هۆى زیاد بوونى توشبوون به‌ نه‌خۆشى خوێنبه‌ره‌کانى دڵ و خوێنبه‌رى تاجى.
   ٦ـ ده‌وریکى باشى هه‌یه‌ بۆ بیروهۆش تیژى به‌هۆى ئه‌و قورئان خوێندنه‌ى له‌و شه‌وه‌ کشوماته‌دا ده‌خوێنرێت له‌گه‌ڵ زیکرو پاڕانه‌وه‌کان.
  ٧- هۆى که‌مبوونه‌وه‌ى مه‌ترسى زوو پیرى پێوه‌ دیاربوون و نه‌خۆشییه‌کانیه‌تى.
  ٨ـ ده‌بێته‌ هۆى که‌مبوونه‌وه‌ى نه‌خۆشى(طنين الأذن)و زرنگانه‌وه‌ى گوێچکه‌کان, هه‌روه‌ها که‌مکردنه‌وه‌ى حاڵه‌تى غه‌مۆکى و دڵه‌ڕاوکێ..
  ٩- پێغه‌مبه‌رى خوا صلى الله علیه‌ وسلم ده‌فه‌رموێت: شه‌و نوێژ بکه‌ن و به‌رده‌وام بن له‌سه‌رى, چونکه‌ ئاکارو ره‌وشتى پیاو چاکانى پێش ئێوه‌ بووه‌, نزیک بوونه‌وه‌یه‌ له‌ په‌روه‌ردگارتان, به‌رهه‌ڵستى که‌رى تاوانه‌ و هۆى که‌فاره‌تى گوناهه‌کانتانه‌ .