ماڵپەری قورئانی پیرۆز

نووسینى/د.عائض القرنى
ئاماده‌کردنى/سانا حمدامین
با هه‌ر که‌سێ له‌ ئێمه‌ باش بزانێت ئه‌گه‌ر ئێمه‌ له‌ خودامان رازى بین له‌ هه‌موو حاڵه‌ته‌کانا ئه‌وا خودایش له‌ ئێمه‌ ڕازى ده‌بێ ئه‌گه‌ر به‌ به‌شى که‌مى خودا که‌ پێى به‌خشیوین رازى بین خودایش لێمان رازى ده‌بێ با کرده‌وه‌ى چاکمان که‌میش بێت ئه‌گه‌ر بێتوو له‌ هه‌موو شتێکا ئێمه‌ له‌ خودا رازى بین بۆمان ده‌ر ده‌که‌وێ که‌ خودا زۆر زۆر لێمان ڕازى ده‌بێ دڵمان په‌یوه‌ست و په‌یوه‌ند ده‌بێ به‌ په‌روه‌ردگاره‌وه‌. هه‌ر بۆیه‌ ئه‌گه‌ر بڕوانینه‌ ئه‌و که‌سانه‌ى که‌ کاره‌کانیان به‌وپه‌ڕى ڕێکوپێکى و تێروته‌سه‌لییه‌وه‌ ده‌که‌ن با که‌میش بێت خودا چۆن لێیان رازى ده‌بێت چونکه‌ به‌راستى ئه‌وان به‌ خودا رازین بۆیه‌ خوداش له‌وان ڕازیه‌ به‌ پێچه‌وانه‌ى دووڕووکانه‌وه‌ خودا کارى لێ وه‌رنه‌گرتوون زۆر بێت یان که‌م بێت چونکه‌ ئه‌وان له‌ناخى خۆیاندا خودایان ناوێت و خۆشیان ناوێت ئه‌م کارانه‌ى وا ده‌یکه‌ن به‌س بۆ پێشچاوى خه‌ڵکى رازى نین به‌و فه‌رمانانه‌ى که‌ خودا فه‌رموویه‌تى حه‌زیان له‌ خۆشه‌ویستى خودا نییه‌ بۆیه‌ خوداش کارى ئه‌وانى پووچه‌ڵ کردۆته‌وه‌.