ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
نوێژ خۆپاراستنه له نه‌خۆشی ده‌والى:
نووسینى/ناصح ابراهیم سازانى نه‌خۆشى ده‌والى قاچه‌کان: بریتیه له خراپى و جیاوازى له ده‌ماره‌کانى هه‌ر دوو قاچ, ده‌ماره‌کانى ئه‌ستور ئه‌بن و له‌نگى پێوه ده‌رئه‌که‌وێ و پڕ ده‌بن له خوێنى ره‌نگ گۆڕاو به درێژایى به‌شى خواره‌وه‌ى هه‌ردوو قاچ.
نه‌خۆشیه‌که هه‌ندێ له خه‌ڵک توش ئه‌بن له به‌ینى له سه‌دا ده که‌س بۆ بیست که‌س له هه‌موو دانیشتوانى سه‌رزه‌وى دا.
لێکۆڵینه‌وه‌ى زانستى تازه سه‌لماندوویه‌تى په‌یوه‌ندى چه‌سپاو هه‌یه له نێوان نوێژ کردن و خۆپاراستن له نه‌خۆشى ده‌والى قاچه‌کان.
دکتۆر توفیق عه‌لوان مامۆستاى کۆلیژى پزیشکى له ئه‌سکه‌نده‌ریه ده‌ڵێ: به‌سه‌رنجدانێکى زۆر ورد له هه‌ستان و دانیشتن له نوێژدا ده‌رکه‌وتووه ئه‌و تێکشان و گونجاندن و یارمه‌تیدانه‌ى له نێوان رکوع و سه‌جده و دانیشتنى نێوان سه‌جده‌کاندا هه‌یه چه‌نده سه‌ر سوڕهێنه‌رن, به پێوه‌رى زانستى ورد ده‌رکه‌وتووه ئه‌و فشاره‌ى له‌سه‌ر دیوارى ده‌ماره‌کانى پاژنه‌ى پێ له‌کاتى رکوعدا ئه‌گاته نیوه‌ى رێکى, له‌کاتى سه‌جده‌دا ده‌رکه‌وتوه فشارى ناوه‌ند زۆر لاواز ئه‌بێ, به‌شێوه‌یه‌کى سروشتى ئه‌و دابه‌زینه ئه‌بێته هۆى حه‌وانه‌وه‌ى ته‌واو بۆ ئه‌و ده‌مارانه و فریایان ده‌که‌وێ له‌و فشاره زۆره‌ى که له ماوه‌ى وه‌ستان به پێوه که‌وتبوه سه‌ریان, له سه‌جده‌شدا سوڕى خوێن به‌پێى هێزى راکێشانى زه‌وى به ته‌واوى به ئاراسته‌ى ئه‌و هێزه کاره‌کانى جێبه‌جێ ده‌کات, ئه‌و خوێنه‌ى له ژێر پێدایه به‌ئاسانى سه‌رده‌که‌وێته‌وه بۆ ناو دلأ و له سه‌ره‌وه بۆ خوار هاتوچۆ ده‌کات, به‌و کرداره‌ش فشارى ده‌ماره‌کان که‌مده‌کاته‌وه له‌سه‌ر رووکارى ده‌ره‌وه‌ى قاچه‌کان له (100 – 120 سم/ ئاو) له کاتى راوه‌ستان له نوێژدا بۆ (33/1 سم / ئاو) له کاتى سه‌جده‌دا, به‌وه‌ش روودانى نه‌خۆش ده‌والى له مرۆڤدا که‌مده‌کاته‌وه.