ماڵپەری قورئانی پیرۆز

نووسینی /سه‌روه‌ر حسن /نووسینگه‌ی ته‌فسیر///خوای گەورە دەفەرموێت:{كَلَّا لَئِنْ لَمْ يَنْتَهِ لَنَسْفَعًا بِالنَّاصِيَةِ (15) نَاصِيَةٍ كَاذِبَةٍ خَاطِئَةٍ (16)} [العلق] واتە: نەخێر (ئاوا بۆی ناچێتە سەر) ئەگەر کۆڵنەدا و کۆتایی (بە دوژمنکاری) نەھێنێت ئێمە ناوچەوانی دەگرین و (بۆ دۆزەخ کێشی دەکەین)، ئەو ناوچەوانە درۆزن لە وتنەدا و تاوانکار لە ڕەفتاردا.
دەستەواژەی  لە ئایەتەکەدا جێگای گرنگیپێدانە. ئەو توێژینەوانەی لەم دواییانەدا ئەنجامدران دەریانخست کە ناوچەی پلی پێشەوە بەرپرسە لە بەڕێوەبردنی کۆمەڵە فرمانێکی دیاریکراو لە مێشکدا دەکەوێتە ڕووکاری ناوچەوانی کاسەی سەر. زاناکان تا شەست ساڵی ڕابردوو فرمانی ئەم ناوچەوانەیەیان نەدۆزیبوەوە، لە کاتێکدا کە قورئانی پیرۆز پێش (١٤٠٠) ساڵ ئاماژەی پێداوە.
ئەگەر سەیری ناو کاسەی سەر بکەین لە ڕووکاری ناوچەوانەوە، ئەوا ناوچەی پێشەوەی مێشک دەبینین... لە کتێبێکدا بە ناونیشانی (ڕساسیات التشریح و الفیزولوجیا– بنەماکانی توێکاریکردن و فسۆلۆژیا) کە دواھەمین توێژینەوەکان لە خۆدەگرێت دەربارەی فرمانی ئەم ناوچەیە ئەمەی خوارەوەی تێدا ھاتووە:
" دیایکردنی پاڵنەرەکان و بیرکردنەوە لە سەرەنجامی کارەکان و پلان بۆ تێپەڕینی کارێک لە پلەکانی بەشی پێشەوەی ناوچەواندا ڕوودەدات، واتە ناوچەی پێشەوەی ناوچەوان کە ناوچەی بیرەکان و یادەوەریەکانە لە توێکڵی مێشکدا".
ھەروەھا کتێبەکە دەڵێت بەوەی کە ئەم ڕووکارە بەرپرسە لە پاڵنەرە مرۆییەکان، وا گومان دەبات سەنتەری فرمانی بێت بۆ توندڕەوی.
کەواتە ئەم ناوچەیەی مێشک لێپرسراوە لە پلاندانان و پاڵنەرەکان و کردنی کارە باشەکان یان خراپەکان و بەرپرسیشە لە بەرامبەر وتەی ڕاست یان درۆ.
ئاشکرایە دەستەواژەی تەبایە لەگەڵ ئەو ڕاڤەیەی لەسەرەوە باسکراوە... ئەم ڕاستیەی زاناکان نەیانتوانی ئاشکرای بکەن تاکو (٦٠ ساڵ) پێشتر، بەڵام قورئانی پیرۆز ساڵانێکی زۆرە ئاماژەی پێداوە.