ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
بیدعه‌و هه‌ڵه‌کانى مزگه‌وته‌کان
١- نه‌کردنى نوێژى چوونه مزگه‌وت:
نووسینى/ناصح ئیبراهیم سازانى یه‌کێک له‌و سه‌رپێچیانه‌ى که بلآوبۆته‌وه له‌ناو نوێژخوێناندا ئه‌وه‌یه: کاتێک ده‌چنه ناو مزگه‌وته‌وه داده‌نیشن به‌بێ ئه‌وه‌ى دوو رکات نوێژى چوونه مزگه‌وت بکه‌ن.
له ئه‌بی قه‌تاده‌ی سه‌لمیه‌وه ره‌زاى خواى لێ بێ هاتووه ده‌فه‌رموێت: پێغه‌مبه‌رى خوا صلى الله علیه وسلم فه‌رمویه‌تى: (إِذَا دَخَلَ أَحَدُكُمْ الْمَسْجِدَ فَلْيَرْكَعْ رَكْعَتَيْنِ قَبْلَ أَنْ يَجْلِسَ) . واته: هه‌ر که‌سێک له ئێوه چووه ناو مزگه‌وت پێش ئه‌وه‌ى دابنیشێت با دوو رکات نوێژ بکات.
جارێک (أبو ذر) چووه ناو مزگه‌وت و دانیشت, پێغه‌مبه‌رى خوا صلى الله علیه وسلم پێی فه‌رموو: (أَرَكَعْت رَكْعَتَيْنِ ؟) واته: ئایا دوو رکات نوێژت کرد؟ وتى: نه‌خێر, فه‌رمووى: (قُمْ فَارْكَعْهُمَا) . واته: هه‌سته دوو رکات نوێژ بکه.
(إبن حبان) له راڤه‌ى ئه‌م فه‌رمووده‌یه‌دا ده‌ڵێ: نوێژى چوونه مزگه‌وت به‌دانیشتن نافه‌وتێت, واته دواى ئه‌وه‌ى دانیشت ده‌توانێت هه‌ستێته‌وه ئه‌و دوو رکات نوێژه بکات. هه‌روه‌ها بۆی هه‌یه له‌هه‌موو کاته‌کاندا بیانکات ته‌نانه‌ت له‌و کاتانه‌شدا که نوێژکردن تێیاندا قه‌ده‌غه‌کراوه, وه‌ک له دواى کازیوه‌ى به‌یانى و له‌دواى نوێژى عه‌سر.. چونکه له نوێژه خاوه‌ن هۆکانن وه‌ک نوێژى ته‌وافی ماڵی خواو نوێژى خۆر گیران.