ئاماری ماڵپەر
ته‌فسیری ئاسان دابه‌زێنه
خوێندنەوەو تەفسیری قورئانی پیرۆز
- بۆ خویندنه‌وه‌ى قورئان و گوێ گرتن له هه‌ر قورئانخوێنێک کلیک لێره بکه
- بۆ گوێ گرتن له قورئان و خوێنه‌وه‌ى وبینینى ته‌فسیره‌که‌ى پێکه‌وه به‌کوردى و زمانه جیهانیه‌کان کلیک لێره بکه
ئه‌و تاوانانه‌ى هه‌ڕه‌شه‌ى چوونه دۆزه‌خى لێکراوه
ئاماده‌کردنى/سانا حمدامین
بێگومان ئه‌و تاوانانه‌ى ده‌بنه هۆى چوونه دۆزه‌خ زۆرن لێره‌دا به کورتى باس له هه‌ندێکیان ده‌که‌ین به پشتیوانى خواى گه‌وره خوازیارین که لێ به‌دووربین
١- ئه‌و کۆمه‌لاِنه‌ى دژ به ئه‌هلى سوننه و جه‌ماعه‌تن
بێ گومان ئه‌م ئوممه‌ته وه‌ک جوله‌که و فه‌له ده‌بنه کۆمه‌ڵى جیاجیاو هه‌ر ته‌نها یه‌ک کۆمه‌ڵیان له‌سه‌ر حه‌قن وه‌ک پێغه‌مبه‌ر صلى الله علیه وسلم ده‌فه‌رموێت [الا ان من قبلكم من اهل الكتاب افترقوا على ثنتين وسبعين ملة, وان هذة الملة ستفترق الى ثلاث وسبعين , ثنتان وسبعون فى النار, وواحدة فى الجنة وهى الجماعة] واته ئاگاداربن پێش ئێوه خاوه‌ن کتێبه ئاسمانى یه‌کان جوله‌که‌و گاور بوونه حه‌فتاو دووبه‌ش کۆمه‌ڵ ئه‌م ئوممه‌ته ده‌بێته حه‌فتاو سێ کۆمه‌ڵ حه‌فتاو دوو کۆمه‌ڵیان ده‌چنه ئاگر یه‌کێکیان ده‌چێته به‌هه‌شت که‌ئه‌ویش کۆمه‌ڵى موسڵمانانه [جماعة] واتاو تێگه‌یشتن له‌م فه‌رمووده‌یه وتوێژى زانایانى له‌سه‌ره, به‌ڵام به‌باشم زانى خۆمانى له‌قه‌ره‌نه‌ده‌ین ئه‌وه‌ى زانراوه که‌هه‌ندێ له‌م کۆمه‌ڵانه کافرن و به‌هه‌میشه‌یى له دۆزه‌خدا ده‌مێننه‌وه وه‌ک [اسماعيلية , الدورز , والنصيرية] هتد که ئه‌مانه وانیشان ده‌ده‌ن بڕوادارن به‌ڵام له‌ناخیاندا بێ باوه‌ڕن. هه‌ندێکى تر له‌م کۆمه‌ڵانه له زۆر شتى گه‌وره‌و گرنگى ئه‌م ئیسلامه‌دا خیلافیان له‌گه‌ڵ ئه‌هلى سوننه‌و جه‌ماعه هه‌یه به‌ڵام نه‌گه‌یشتۆته ئاستى کوفر , ئه‌مانه‌ش ده‌که‌ونه ژێر سێبه‌رى به‌زه‌یى خواى گه‌وره, ئه‌گه‌ر ویستى کرد لێ یان خۆش ده‌بێت ئه‌گه‌رنا بۆ دۆزه‌خ ده‌یان نێرێت خواى گه‌وره په‌نامان بدات له‌وانه‌یه به‌کارى خێرى گه‌وره یان به شه‌فاعه‌تى شه‌فاعه‌تکاران بچنه به‌هه‌شته‌وه یان ماوه‌یه‌ک خواى گه‌وره ویستى له‌سه‌ر بێت له‌دۆزه‌خدا ده‌مێننه‌وه پاشان ده‌چنه به‌هه‌شت..