ماڵپەری قورئانی پیرۆز

نوسینى : عه‌مرو خالد......وه‌رگێرانى : بورهان محمد امین     ئه‌ندازیار عوسمان    ...ئاماده‌کردنى : سامان خدر.......له‌ئایه‌تى (40) به‌دواوه‌ باس له‌نه‌وه‌ى ئیسرائیل ده‌کات و نازو نیعمه‌ته‌کان ده‌هێنێته‌وه‌ یادیان و داواى وه‌فادارى و پابه‌ندبوونى په‌یمانیان لێده‌کات و باسى نازو نیعمه‌ته‌کان به‌(الْحَمْدُ للّهِ رَبِّ الْعَالَمِينَ )(الفاتحة : 2)

ده‌هێنێته‌وه‌ یاد که‌ ئه‌وه‌ ئاماژه‌یه‌ بۆ ئوممه‌تى ئیسلام که‌نازو نیعمه‌تى بێشوماره‌ مادى مه‌عنه‌وى له‌یاد نه‌که‌ن.
هه‌ندێ له‌نازو نیعمه‌ته‌کانى خـواى گه‌وره‌ به‌خشیبوى به‌نه‌وه‌ى ئیسرائیل
یه‌که‌م: ڕزگارکردنیان و له‌ناوبردنى دوژمنانیان (وَإِذْ فَرَقْنَا بِكُمُ الْبَحْرَ فَأَنجَيْنَاكُمْ وَأَغْرَقْنَا آلَ فِرْعَوْنَ وَأَنتُمْ تَنظُرُونَ )(البقرة : 50).
دووهه‌م: لێخۆشبوون لێیان بۆ ئه‌وه‌ى سوپاس گوزاربن (ثُمَّ عَفَوْنَا عَنكُمِ مِّن بَعْدِ ذَلِكَ لَعَلَّكُمْ تَشْكُرُونَ )(البقرة : 52).
سێهه‌م: پارستنیان له‌گه‌رماو دابین کردنى ڕزق و ڕۆزى به‌ئاسانى بۆیان که‌چى له‌باتى سوپاسگوازارى که‌وتنه‌ بڕو بیانوو (وَظَلَّلْنَا عَلَيْكُمُ الْغَمَامَ وَأَنزَلْنَا عَلَيْكُمُ الْمَنَّ وَالسَّلْوَى كُلُواْ مِن طَيِّبَاتِ مَا رَزَقْنَاكُمْ وَمَا ظَلَمُونَا وَلَـكِن كَانُواْ أَنفُسَهُمْ يَظْلِمُونَ )(البقرة : 57).
هه‌ندێکیان داواى بینینى خوایان کرد (وَإِذْ قُلْتُمْ يَا مُوسَى لَن نُّؤْمِنَ لَكَ حَتَّى نَرَى اللَّهَ جَهْرَةً فَأَخَذَتْكُمُ الصَّاعِقَةُ وَأَنتُمْ تَنظُرُونَ )(البقرة : 55)، ئه‌مه‌ش بۆیه‌ له‌ده‌رونیاندا دروست بوو چونکه‌ بونه‌ خه‌ڵکێکى ته‌واو مادى و باوه‌ڕیان به‌ غه‌یب و نهێنى و شاراوه‌کان لاواز بوو .. ئه‌و هه‌موو دروستکراوو به‌دیهێنراوانه‌ قه‌ناعه‌تى بۆ دروست نه‌کردن که‌ په‌روه‌ردگارێکى ته‌واو زاناو داناو به‌توانا به‌دى هێناون ..
ئینجا ئایه‌ته‌کان به‌رده‌وام ده‌بن له‌باسى نه‌وه‌ى ئیسرائیل و ئه‌وتاوانه‌ گه‌ورانه‌ى که‌ ئه‌نجامیان داوه‌، له‌کوشتنى پێغه‌مبه‌ران به‌ناهه‌ق سه‌رپێچى و کوفرکردنیان به‌ئایه‌ته‌کانى خـوا و، خراپه‌کارى هاوه‌لآنى شه‌ممه‌و فێل و ته‌ڵه‌که‌یان ،پاشان ئایه‌ته‌کان ده‌گه‌نه‌ سه‌ر چیرۆکێکى گرنگ که‌ئه‌ویش چيرۆکى مانگایه‌ ...