ماڵپەری قورئانی پیرۆز

ئاماده‌کردنى/سانا حمدامین
شه‌ریعه‌تى پاکى ئیسلام هاتۆته‌ خوارێ بۆ مه‌به‌ستى سه‌قامگیرى ئاشتى و دادوه‌رى له‌سه‌ر زه‌وى خواى گه‌وره‌ فه‌رمانى داوه‌ به‌ به‌نده‌کانى که‌دادوه‌ربن. وه‌ک ده‌فه‌رموێت [إِنَّ اللَّـهَ يَأْمُرُ‌ بِالْعَدْلِ وَالْإِحْسَانِ]النحل/٩٠ واته‌ به‌ڕاستى خوا فه‌رمان ده‌کات به‌دادوه‌رى و چاکه‌کردن. په‌روه‌ردگار به‌ پێویستى داناوه‌ له‌سه‌ر لێپسراو ده‌سه‌ڵاتداران که‌ دادوه‌ربن له‌گه‌ڵ خه‌ڵکى دا [إِنَّ اللَّـهَ يَأْمُرُ‌كُمْ أَن تُؤَدُّوا الْأَمَانَاتِ إِلَىٰ أَهْلِهَا وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ]النساء/٥٨ واته‌ خوا فه‌رمانتان پێ ده‌دات که‌ ئه‌مانه‌ت بگێڕنه‌وه‌ بۆ خاوه‌نه‌کانیان و ئه‌گه‌ر فه‌رمان ڕه‌وایتان گرته‌ دادوه‌ربن له‌ حوکمتاندا له‌ نێوان خه‌ڵکى ئه‌وه‌تا پێغه‌مبه‌ر صلى الله علیه‌ وسلم هه‌ڕه‌شه‌ به‌ دۆزه‌خ ده‌کات له‌وانه‌ى که‌سته‌مکارن له‌ حوکمڕانى داو ده‌فه‌رموێت [القضاة ثلاثة: واحد فى الجنة واثنان فى النار , فاما الذى فى الجنة , فرجل عرف الحق وقضى به , ورجل عرف الحق فجار فى الحكم فهو فى النار , ورجل قضى للناس على جهل , فهو فى النار ] واته‌ دادوه‌ران سیانن , یه‌کێکیان ده‌چێته‌ به‌هه‌شت و دوانه‌که‌ى تر بۆ ئاگر , ئه‌وه‌ى ده‌چێته‌ به‌هه‌شت حه‌ق ده‌زانێت و حوکمى پێ ده‌کات , یه‌کێکى تریان حه‌ق ده‌زانێت و حوکمى پێ ناکات ئه‌وه‌ بۆ ئاگره‌ , وه‌ پیاوێک حوکم ده‌کات به‌ناو خه‌ڵکى دا به‌ نه‌زانین, , ئه‌ویش بۆ ئاگره‌ .